Вести

Голем триумф за РК Алкалоид во дербито со РК Е. Пелистер!

РК АЛКАЛОИД – РК Е. ПЕЛИСТЕР 30-28 (14-10)
Сала: „Автокоманда“ во Скопје. Судии: Михајло Илиевски и Методија Илиевски. Делегат: Марјан Начевски

РК АЛКАЛОИД: Галевски 2 одб., Кизиќ 10 одб., Сухолежник 1, Костески 7, Карасманакис, Стојковиќ 2, М. Митев 1, Ѓорѓиев 4, Велковски, Цехте 4, Петковски 2, Д. Митев, Борзаш 3, Аларов, Борозан 1.
Седмерци: 6/6 Исклучувања: 14 мин.

РК ЕУРОФАРМ ПЕЛИСТЕР: Митревски 1г, 11 одб, Хеидаридад, Белистојаноски, Видомски 2, Ристевски 1, Серафимов 1, Кузманоски 1, Граховац 1, Хенингман, Кузмановски 7, Пе. Атанасијевиќ 4, Пешевски 2, Хакбарт 6, Колаковиќ, Па. Атанасијевиќ, Нтанзи 2.
Седмерци: 5/8 Исклучувања: 10 мин.

Екипата на РК Алкалоид ги освои бодовите во дербито со РК Еурофарм Пелистер (30-28) во салата „Автокоманда“, во меч во кој нашиот тим одигра одлично и во двата правци и заслужено се радуваше на триумфот кој имаше двојна вредност, затоа што покрај во Суперлигата, носеше бодови и во Регионалната лига.

Во еден дуел во кој видовме добра игра во нашата одбрана, Алкалоид го победи ривалот од Битола за важни бодови во Суперлигата. Се играше на двете страни израмнето се до 10-9, кога Алкалоид влезе во серија, постигна четири гола и резултатски избега на 14-10 на паузата.

На стартот на второто полувреме, нашиот тим обезбеди и шест гола позитива (19-13), со стабилна и борбена игра против ривалот која публиката ја награди со аплауз во повеќе наврати. Гостинот од Битола во еден момент ја преполови негативата, но Марко Кизиќ беше на ниво во клучните моменти. До финишот на натпреварот, нашиот тим ја задржа предноста, со тоа и бодовите во Автокоманда пред европскиот испит против РК Горење Велење од Словенија.

Вести

Силен отпор на РК Алкалоид, но не освои бодови на дербито

РК ВАРДАР 1961 – РК АЛКАЛОИД 36-31 (17-17)
Сала: „Борис Трајковски“ во Скопје. Судии: Митревски и Тодоровски од Битола. Делегати: Марјан Начевски и Ацо Николовски

РК Вардар 1961: Гогов, Валах, Стојановски 4, Воркапиќ 6, Георгиевски, Поповски, Љевар 5, Лазаревски 2, Анастасовски, Франциско Да Силва, 3 Абделхак 3, Малус, Ѓорчески, Јанковски 2, Фадуил 11
Седмерци: 8/8 Исклучувања: 4 мин.

РК Алкалоид: Кизиќ, Галевски, Џонов 1, Сухолежник 2, Костески 8, Карасманакис, Стојковиќ 1, М. Митев 7, Ѓорѓиев 2, Велковски 1, Цехте 1, Петковски, Д. Митев, Борзаш 5, Аларов, Борозан 2
Седмерци: 5/5 Исклучувања: 12 мин.

Ракометарите на РК Алкалоид имаа петминутен пад во играта, кој се покажа како пресуден за конечниот исход и ги остави без можност да се борат за бодови на дерби натпреварот од десеттото коло од Суперлигата против РК Вардар 1961.
Натпреварот заврши со резултат 36-31, по што РК Алкалоид остана на 16 освоени бодови пред следниот првенствен дуел, кој исто така ќе биде дерби – против РК Еурофарм Пелистер и пред мечот од третото коло од ЕХФ Европскиот Куп против екипата на РК Горење Велење од Словенија.


РК Вардар го отвори натпреварот подобро и поведе со 3:0, но РК Алкалоид брзо се консолидираше и не дозволи противникот да се одлепи. По почетната негатива, постепено ја намалуваше разликата, а во 19. минута стигнаа до израмнување (12:12). До крајот на првиот дел се играше гол за гол, а на пауза се замина со нерешени 17:17.

РК Алкалоид одлично го отвори второто полувреме и со серија погодоци направи пресврт, поведувајќи со 22:21 во 38. минута. Следуваше израмнета игра, во која РК Алкалоид неколкупати го преземаше водството, а последен пат резултатот беше нерешен (26:26) во 44. минута.


Клучниот период од натпреварот се случи во следните пет минути. РК Алкалоид влезе во хаотичен период Вардар ја искористи својата серија добри напади и направи предност од 32:26, со што го принуди Алкалоид да брка негатива во завршницата. И покрај обидите да се врати во натпреварот, Алкалоид не успеа да ја надомести разликата и на крајот загуби со 31-36.

Никола Костески со осум гола и Марко Митев и со седум погодоци беа најефикасни во редовите на Алкалоид, додека Урош Борзаш постигна пет гола.