Кадетската екипа на РК Алкалоид е вицешампион на Македонија. Нашиот тим во групната фаза, во конкуренција на екипите на РК Вардар 1961, РК Пролет 62, на РК Металург РА, РК Куманово и на РК Македонија Ѓ. Петров, со ефект од осум победи и две нерешени средби, го освои првото место во групата.

Следуваше настап во  четврт-финалето, каде што го елиминиравме тимот на РК Голден Арт со 38 : 36 по подоброто изведување седмерци. Во регуларниот дел натпреварот заврши нерешено, 33 : 33 (17 : 15), и со оваа победа обезбедивме пласман на Ф4-турнирот. 
Во полуфиналето, уште еднаш драматично, по изведувањето седмерци, го елиминиравме тимот на РК Пролет 62. Конечниот резултат е 35 : 32 (31 : 31, 18 : 12). 
Во финалето се сретнавме со екипата на РК Бутел Скопје. И покрај тоа што во најголемиот дел од натпреварот го контролиравме резултатот, на крајот не успеавме да победиме. Конечни 20 : 22 (11 : 9).