Автор: Gjamovski

Вести

Прва суперлигашка победа за РК Мулти Есенс

РК МУЛТИ ЕСЕНС – РК ПРИЛЕП 31-30 (15-15)
Сала: „Автокоманда“ во Скопје. Судии: Виктор Андонов и Стојанче Јовановски. Делегат: Цане Куртовиќ
РК МУЛТИ ЕСЕНС: Цветкоски, Димевски 2, Костовски, Илиески 4, Д. Узунчев 3, Перески, Трајчев, Омерагиќ 9, Г. Трајковски, Тодески 2, Т. Узунчев, Димовски 1, Ј. Трајковски, Јорданов 7, Карасманакис 3
Седмерци: 3/3 Исклучувања: 12 мин.
РК ПРИЛЕП: Ацевски, Кастратовиќ 5, Рајатоски 6, Адамчески, Бикоски, Ангелески, Крстески, Велески, Бурчески 3, Квастек 1, Цветаноски 7, Шабановиќ 1, Имнадѕе 3, Трајкоски
Седмерци: 1/3 Исклучувања: 10 мин.

РК Мулти Есенс денеска испиша нова клупска историја со освојување на првите суперлигашки бодови. Нашиот млад тим го совлада тимот на РК Прилеп, квалитетна и реновирана екипа во која како засилувања има и неколку интернационалци.

Нашите момци одиграа борбен натпревар кој беше со тесна резултатска разлика во текот на сите 60 минути. Тоа беше меч каков што му беше потребен на нашиот тим, дуел во кој мораа да бидат вложени сите сили и цела концентрација.

Резултатски во првиот дел на почетокот водеше гостинскиот состав, а РК Мулти Есенс израмни во повеќе наврати, беше и во водство (11-10, 12-11), на полувреме 15-15.


Во второто полувреме, во текот на сите 30 минути водеше нашиот тим. Имавме водство и од два-три гола разлика, но не успевавме да направиме клучен исчекор. Имаше моменти кога гостите сериозно беа блиску до израмнување, но нашиот голман Виктор Василевски одлично реагираше во неколку наврати, а во нападот најдобро голгетерски расположени беа Дарин Омерагиќ со девет гола и Олег Јорданов кој со својот гол број седум за водство од 31-29 ја запечати победата на нашиот тим.

Вести

Акредитирање за натпреварот РК Алкалоид – РК Војводина

Почитувани медиуми,

Отворен е процесот за акредитирање на медиумите и на медиумските работници за натпреварот од првото коло во групата Ф на Европската лига на EHF меѓу екипите на РК Алкалоид и на РК Војводина, кој ќе се игра на 17 октомври (вторник) од 20:45 часот во СЦ „Јане Сандански“ – Скопје.

Новинарите од печатените медиуми и од порталите, како и фотографите треба да ги испратат своите барања најдоцна три работни дена пред почетокот на натпреварот. Барањата за акредитации треба да ги испратат на следнава адреса: [email protected]

Тeлевизиите, веб-телевизиите, поткастите и радијата/веб-радијата мора да аплицираат директно во EHF за добивање акредитација за следење на натпреварот. Барањата за акредитации треба се реализираат преку онлајн-платформата за акредитирање на EHF: https://accreditation.ehf.eu.

Акредитациите ќе бидат поделени на прес-конференцијата за најава на мечот на 16.10.2023 г., за која ќе бидете навремено информирани.

Вести

Успешен старт на младинските екипи

Викендов почна новата сезона во Младинската лига на Македонија која се игра во изменет систем. Оваа сезона во Младинската лига се игра во една група во која има 13 екипи кои двокружно ќе играат меѓусебе. Нема да се игра плејоф или плејаут, вкупниот победник ќе биде прогласен за младински државен првак.

РК Алкалоид и РК Мулти Есенс се учесници во ова првенство. И двата тима имаа победнички старт, запишаа високи победи и во моментов се на водечките позиции на табелата.

РК Алкалоид во првото коло се сретна со екипата на РК Вардар 1961 на гостински терен и запиша убедлива победа од 37:20.

Максим Гарбески со осум гола и Теодор Пецановски со пет погодоци беа најефикасните играчи на РК Алкалоид на овој меч.

РК Мулти Есенс во првото коло исто така играше на гостински терен против голем градски ривал, екипата на РК Бутел Скопје.

РК Мулти Есенс предводен од Давид Димевски кој постигна седум и Дарин Омерагиќ кој беше стрелец на шест гола запиша победа од 40-24.

Во следното, второ коло, РК Алкалоид на домашен терен ќе игра со екипата на Пролет 62, а екипата на РК Мулти Есенс, исто така на домашен терен ќе се сретне со тимот на РК Вардар 1961

Вести

ЧЕТИРИ ОД ЧЕТИРИ ЗА РК АЛКАЛОИД

РК АЕРОДРОМ – РК АЛКАЛОИД 30-44 (16-21)
Сала: „Автокоманда“ во Скопје. Судии: Глигор Ќаев и Спаско Ќаев. Контролор: Зоран Кимовски
РК АЕРОДРОМ: Богдановски, Пајкоски 2, Мелоски 1, Митревски 2, Костов 7, Олтовски, Стојановски 1, Трифуновски 2, Трајчевски 1, Бошковски 6, Василев, Анакиевски 4, Анѓелковски 2, Грујевски, Димевски 2, Кизиќ
Седмерци: 5/10 Исклучувања: 10 мин.
РК АЛКАЛОИД: Трајковски 1, Галевски, Џонов 10, Маркоски, Младеновиќ, Стојковиќ 3, М. Митев 2, Ѓоргиев 2, Велковски 1, Омерагиќ 2, Кофилоски 5, Петковски 8, Д. Митев 7, Савревски 3
Седмерци:7/7 Исклучувања: 6 мин.

РК Алкалоид ја запиша и четвртата победа од исто толку суперлигашки натпревари во новата сезона, вечерва, како гостин во својата „Автокоманда“, против екипата на РК Аеродром.
Новиот суперлигаш амбициозно го почна натпреварот и имаше водство во првата четвртина од средбата или успеваше да израмни. Долго време се мечот беше во егал во првото полувреме, се до резултат 14-14, а потоа нашиот тим влезе во ритам и со серија од 7-2 на полувреме замина со предност од 21-16.


Вториот дел беше сосема поинаква приказна. РК Алкалоид доминираше во сите сегменти на играта и набрзо стигна до двоцифрена предност 28-18, а потоа и ја зголемуваше до највисоките плус 15 (33-18) и без проблеми стигна до нов триумф.

Вести

РК МУЛТИ ЕСЕНС БЕЗ БОДОВИ ОД ГОСТУВАЊЕТО КАЈ РК ПРОЛЕТ 62

РК ПРОЛЕТ 62 – РК МУЛТИ ЕСЕНС 32-27 (17-10)

Сала: „Македонско сонце“ во Скопје. Судии: Ѓорѓи Начевски и Славе Николов. Контролор: Марјан Начевски
РК ПРОЛЕТ 62: Петковски, Николовски 1, Тотиќ 1, Пецаковски, Василевски 5, Кочаров, Додевски 4, Димов 3, Андоноски 2, Мајнов, Димковски 2, Стојановски 3, Михаљевиќ, Палевски 6, Спасовски, Арсеновски 5
Седмерци: 2/2 Исклучувања: 14 мин.
РК МУЛТИ ЕСЕНС: Ерманоски, Димевски 1, Костовски, Илиески 9, Петковски, Д. Узунчев 2, Петрески, Трајчев, Трајковски, Ѓоргиевски, Василевски, Тодески 1, Димовски, Трајковски, Јорданов 12, Карасманакис 2
Седмерци: 7/7 Исклучувања: 10 мин.

Нашиот млад состав, РК Мулти Есенс, имаше неуспешна акција за освојување на бодовите од дуелот со Т. Пролет 62 на гостински терен.
РК Мулти Есенс беше подобар од Т. Пролет во текот на подготовките, на турнирот во Прилеп, но вечерва домашниот состав имаше подобро отворање на натпреварот, поведе со 5-2, 8-3… и рано стигна до предност која го одреди текот на натпреварот. На полувреме беше 17-10 за домашниот состав.
Во вториот дел, домашниот состав рутински ја одржа предноста и ги освои бодовите.
Шансата за освојување на бодови, РК Мулти Есенс ќе се обиде да ја реализира во следното коло, кога во „Автокоманда“ на гости ќе дојде екипата на РК Прилеп.

Вести

РК Мулти Есенс пропушти шанса за победа

РК МУЛТИ ЕСЕНС – РК БУТЕЛ СКОПЈЕ 28-33 (16-16)
Сала: „Автокоманда“ во Скопје. Судии: Методија Илиевски и Михајло Илиески 3. Делегат: Ацо Николовски
РК МУЛТИ ЕСЕНС: Ерманоски, Василевски, Димевски 1, Костовски 2, Илиески, Петковски, Д. Узунчев 8, Петрески 1, Трајчев, Омерагиќ, Трајковски, Ѓорѓиевски, Тодески 1, Димовски 5, Јорданов 4, Карасманакис 3
Седмерци: 1/2 Исклучувања: 14 мин.
РК БУТЕЛ СКОПЈЕ: Стојаноски, Субашевски 3, Андревски, Пејковски, Стојановски, Георгиевски 6, Николов 6, Крстевски 1, Иваниќ 6, Спасовски 4, Бошковски 1, Блажевски 1, Јефиќ 4, Михајловиќ, Цветковски, Давитковски 1
Седмерци: 3/5 Исклучувања: 6 мин

РК Мулти Есенс не успеа да освои бодови на вечерашниот трет суперлигашки настап, на кој гостин во „Автокоманда“ беше екипата на РК Бутел Скопје.
Нашиот млад тим имаше добро отворање на натпреварот и одлични 20-тина минути во првиот дел, но потоа работите тргнаа во спротивен правец.


РК Мулти Есенс по воведните минути во кои се играше гол за гол, успеа со серија од 4-0, за поведе со 10-7. Потоа постојано имаше водство кое максимално изнесуваше 15-10.
Хендикеп за нашиот состав беше повредата на левиот бек Теодор Тодески кој беше фаулиран додека беше во скок и изместен од рамнотежа по што незгодно падна и за него натпреварот беше завршен.


Гостите во игра се вратија по едно од многуте исклучувања во тимот на РК Мулти Есенс и од 10-15 на полувреме стигнаа до 16-16.
Поголемото искуство акумулирано во гостинскиот тим до израз дојде во второто полувреме во кое резултатски клучен период беше од 20-21 следеше мини серија за 21-25 по што одново искуството решаваше за развојот на настаните до конечните 28-33.