РК ВАРДАР 1961 – РК АЛКАЛОИД 34-26 (15-13)

Сала: „Автокоманда“ во Скопје. Судии: Ѓорѓи Начевски и Славе Николов. Делегат: Камер Металари и Ацо Николовски

РК ВАРДАР 1961: Еспиња (14 одб), Гогов, Јагуриновски, Аларов, Стојановски, Георгиевски 3, Ансер, Танкоски 3, Лазаревски 5, Горига 6, Срдановиќ 3, Николиќ 1, Петриќ 1, Ќосевски, Маргели 2, Борозан 9
Седмерци: 4/7 Исклучувања: 12 мин.

РК АЛКАЛОИД: Галевски 1 (6 одб), Трајковски (4 одб), Џонов 1, Петров, Маркоски 1, Младеновиќ, Серафимов 6, Карасманакис, Стојкови 4, Ѓоргиев 3, Велковски 4, Ивановски 1, Бинго 1, Фрaнциско 1, Петковски 1, Савревски
Седмерци: 4/9 Исклучувања: 8 мин.

РК Алкалоид останува со двата пренесени бода од регуларниот дел на сезоната, по првиот одигран дерби натпревар во Плејоф разигрувањето за шампионската титула во македонската Суперлига.

Во рамките на првото коло, РК Алкалоид беше гостин на РК Вардар 1961 во „Јане Сандански“ , а натпреварот заврши со резултат 34-26 за противничкиот состав.
Кирил Лазаров го немаше најсилниот состав на располагање, вечерва. Тешката сезона во која ракометарите играат успешно и во Европскиот ЕХФ Куп, а во голем дел и во македонската репрезентација си зема данок.

Вечерва, РК Алкалоид дваесет минути беше комплетно резултатски рамноправен, резултатот беше 9-9 во 20 минута од средбата, но во продолжението, до крајот на полувремето домашниот состав стигна до позитива од два гола.

Таа разлика се удвои на почетокот на вториот дел по што РК Алкалоид постојано беше во потера по противникот. Падот на концентрацијата во последните пет-шест минути доведоа до поголемата резултатска негатива.
Во следното коло, во недела, РК Алкалоид во „Автокоманда“ ќе го пречека тимот на ГРК Тиквеш.

РК АЛКАЛОИД – РК БАЈА МАРЕ 32-25 (18-12)
Сала: „Автокоманда“ во Скопје. Судии: Мадс Фремстад и Јорген Јорстад од Норвешка. Делегат: Бранка Мариќ од Србија.

РК АЛКАЛОИД: Кизиќ, Галевски 2 (9 одб), Џонов, Петров, Маркоски, Костески 1, Младеновиќ 1, Серафимов 3, Стојковиќ 5, Ѓоргиев 4, Велковски 1, Ивановски 2, Бинго, Франциско 4, Петковски 7, Савревски
Седмерци: 4/5 Исклучувања: 10 мин.

РК БАЈА МАРЕ: Ал Кафаги, Тереков, Наѓ 1, Чис, Ботеа, Раколта 1, Кумпаничи 8, Далин 3, Котрц 1, Синку, Козакевич 4, Бурзак 1, А. Поп 1, Е. Поп, Да Силва 4, Фотаче 1
Седмерци: 2/3 Исклучувања: 10 мин.

РК Алкалоид испиша уште една успешна страница во клупската историја. Во 1/4 финалето на ЕХФ Европскиот Куп, РК Алкалоид ја совлада и елиминираше романската екипа Баја Маре и се пласираше во полуфиналето на ова европско натпреварување во кое противник ќе му биде норвешкиот тим Рунар Сандефјорд.

Преполната „Автокоманда“ вечерва им оддаде почит на настраданите во трагедијата во Кочани, а потоа беше ветер во грбот на РК Алкалоид кој одлично го отвори натпреварот и поведе со 4-0 пред тренерот на гостите да побара тајм аут.

Добрата игра во одбраната му овозможи на сино-белиот тим да поведе и со 6-2 во 10 минута, а потоа и 7-2 во 11 минута.
Ракометарите на РК Алкалоид го контролираа натпреварот, водството беше зголемено, а Мартин Серафимов го донесе водството од шест гола разлика. Во овој период од мечот, Романците се обидуваа со 7 на 6 што го искористи голманот Иван Галевски со два гола по ред на празна мрежа, а Алкалоид ја задржа разликата.

Одбраната вршеше голема работа, па Алкалоид стигна и со 17:10 со голот на Мартин Ивановски од контранапад. На полувреме беше 18-12 за Алкалоид.
Гол за гол се играше на стартот на вториот дел, а Алкалоид контролираше шест до седум гола разлика. Одбраната функционираше, па во 35 минута за прв пат поведе и со плус осум гола (23-15).

Во 38 минута по подолга пауза се врати Никола Костески на терен. Тој влезе за да изведе пенал и погоди за водство 24-16.
Времето работеше во полза на РК Алкалоид, во 53 минута резултатот беше 29-22, а притисокот порасна кај гостите кои беа принудени да играат побрзо и повеќе да ризикуваат.

Ѓоргиев погоди за 30-22 во 55 минута со што ја запечати оваа средба, па за гостите не остана многу што во последните пет минути. Конечно, РК Алкалоид победи 32-25 и се пласираше во посакуваното полуфинале.

РК АЛКАЛОИД – ГРК ОХРИД 29-26 (17-12)
Сала: „Автокоманда“ во Скопје. Судии: Ненад Николовски и Исмаил Металари. Делегати: Драган Начевски и Душко Камишевски
РК АЛКАЛОИД: Кизиќ 1, Трајковски, Џонов, Петров 1, Младеновиќ, Серафимов 8, Стојковиќ, Ѓоргиев 4, Велковски 4, Ивановски 6, Бинго 1, Франциско 1, Петковски 2, Савревски 1, Гарбески
Седмерци: 3/3 Исклучувања: 8 мин.
ГРК ОХРИД: Чаневски, Ојлески 4, Јукиќ 3, Ристевски, Ристески, Тасески, Сафранко 2, Јотиќ, Кукоски, Пешиќ 4, Кукуловски, Орјоникидѕе 9, Винисиус 2, Цирар 2, Ѓоргески
Седмерци: 4/5 Исклучувања: 10 мин.

РК Алкалоид во Плејоф разигрувањето за шампионската титула во македонската Суперлига ќе стартува со два бода на салдото, заработени со 20-те остварени победи во регуларниот дел од сезоната. Вечерва во последното коло од првата фаза на натпреварување, нашиот тим ја совлада екипата на ГРК Охрид со 29-26 и шампионатот го заврши со исто остварување како и екипите на РК Е. Пелистер и РК Вардар 1961.
Вечерва во „Автокоманда“ гостуваше ГРК Охрид, а пред почетокот на натпреварот беше оддадена почит за настраданите во трагедијата во Кочани.
РК Алкалоид настапи без неколку ракометари на овој меч, но тоа не се одрази на начинот на кој игра екипата, а финално ниту на конечниот резултат.

Нашиот тим подобро отвори и ја контролираше резултатски средбата, иако и гостинскиот состав се покажа во борбено издание и беше резултатски блиску во првите 15 минути од средбата.
Во 18 минута, гостинскиот бек Никола Јукиќ опасно стартуваше врз Иван Џонов. Епилог на овој фаул беше црвен картон за ракометарот на ГРК Охрид, но и Иван Џонов веќе не се врати на теренот до крајот на мечот.
Играта на Алкалоид беше течна, резултатот почна да расте во полза на нашиот состав и по одличниот финиш, на полувреме се замина со резултат 17-12 за РК Алкалоид.
Неколку несвојствени технички грешки во низа го вратија резултатски во игра гостинскиот состав во второто полувреме и тие успеаја да израмнат на 18-18.
Но, брзо ја вратија концентрацијата сино-белите. Расположениот голман Благојче Трајкоски и спретниот Мартин Ивановски го поведоа тимот кон посигурен период во кој одново дистанцата беше безбедна, најчесто на три гола. Времето одминуваше, разликата се стабилизираше и конечно РК Алкалоид запиша победа од 29-26.

Утре ќе бидат извлечени натпреварувачките броеви за Плејоф шампионатот, а пред да почне вториот дел на сезоната, РК Алкалоид, во недела ќе го одигра реванш натпреварот од 1/4 финалето на ЕХФ Европскиот Куп против романскиот состав Минаур Баја Маре. Првата средба одиграна викендов во Романија заврши без победник, 31-31.

РК МИНАУР БАЈА МАРЕ – РК АЛКАЛОИД 31-31 (19-15)
Сала: „Ласкар Пана“ во Баја Маре, Романија. Судии: Анатоли Новиков од Украина и Миндаугас Гателис од Литванија.
РК МИНАУР БАЈА МАРЕ: Ал Кафаги, Тереков, Наѓ 4, Чис, Ботеа 2, Раколта, Кумпаничи 4, Далин 4, Котрц 3, Синку, Козакевич 4, Бурзак 4, В. Поп, Е. Поп 4, Да Силва 2, Фотаче

Седмерци: 4/7 Исклучувања: 4 мин.

РК АЛКАЛОИД: Кизиќ, Галевски, Џонов 1, Петров 1, Маркоски, Младеновиќ, Серафимов, 7 Стојковиќ, Ѓоргиев 4, Ивановски, Бинго 2, Велковски 2, Франциско 5, Петковски 7, Савревски

Седмерци: 5/5 Исклучувања: 10 мин.

Со едноминутно молчење и со црни ленти на ракавите поради трагедијата што се случи во Кочани, ракометарите на РК Алкалоид во Романија ја одработеа својата европска задача и го одиграа првиот 1/4 финален натпревар од ЕХФ Европскиот Куп против РК Минаур Баја Маре.
По 60 минутна битка, натпреварот заврши без победник, нерешено 31-31, со тоа што домашниот состав го постигна израмнувачкиот гол од седмерец по истекот на времето поради прекршок направен на спротивната страна на теренот.

На овој епилог му претходеше развој на настани во кој домашниот состав водеше во првото полувреме и го доби тој дел со разлика од четири гола (19-15). Во второто полувреме, многу подобар противник беше РК Алкалоид. На шест минути до крајот РК Алкалоид водеше со 27-24, во последните две минути беше 31-29 за РК Алкалоид пред да бидат поставени конечните 31-31.
Александар Петковски и Мартин Серафимов со по седум постигнати голови беа најефикасните играчи на натпреварот.
Следната недела, на 30 март во Скопје ќе игра реванш натпреварот по што ќе биде познат и патникот во полуфиналето.

МРК КУМАНОВО – РК АЛКАЛОИД 27-41 (10-19)
Сала: „Перо Наков“ во Куманово. Судии: Спаско Ќаев и Глигор Ќаев. Контролор: Владимир Саздовски

МРК КУМАНОВО: Трајковски, Димевски 6, Соареш 2, Димитров, Вујичевски, Цветковски, Јакимовски, Стојановски 2, Лазаревски, Хен 7, Матаичиќ, Да Силва 4, Митревски, Симоноски 3, Михајловски, Арсовски

Седмерци: 2/4 Исклучувања: 2 мин.

РК АЛКАЛОИД: Кизиќ, Галевски, Џонов 3, Маркоски, Младеновиќ, Серафимов 2, Карасманакис 4, Стојковиќ 4, М. Митев 3, Ѓоргиев, Велковски 1, Ивановски 1, Франциско 2, Петковски 12, Д. Митев 3, Савревски 1

Седмерци: 1/1 Исклучувања: 4 мин.

РК Алкалоид на своето последно гостување од првата фаза од шампионатот играше во Куманово, кај истоимениот домашен тим. Сино-белиот состав ја запиша својата 19 првенствена победа и без оглед на резултатот во последното коло, на крајот на овој дел од првенството ќе биде во Топ 3 екипите.

Вечерва во Куманово, РК Алкалоид ја имаше контролата уште од почетокот на натпреварот. Поведе со 4-1, малку подоцна беше 7-1, па 10-5, пред да биде воспоставена рамнотежа на теренот.
Домашниот состав во својот најдобар дел, успеа да намали на 7-10, но тука беа запрени, а РК Алкалоид продолжи да ја зголемува разликата која на полувреме беше 19-10.

Веднаш на стартот на вториот дел, РК Алкалоид стекна и двоцифрена предност (20-10). Иако прашањето за победник не се поставуваше на овој дуел, средбата продолжи во игра гол за гол, со тоа што разликата најчесто беше девет или 10 гола разлика.

Не можешетој ритам да одржат до крајот домашните ракометари, па разликата во финишот на натпреварот се зголеми на конечните 14 гола (27-41).

Александар Петковски со 12 постигнати погодоци беше најдобриот стрелец за РК Алкалоид, пред Марко Стојковиќ и Валентин Карасманакис кои постигнаа по четири гола.

Следниот првенствен натпревар на РК Алкалоид е на домашен терен против екипата на ГРК Охрид, а претходно ќе ги одмери силите со романската екипа Минаур Баја Маре во 1/4 финалето на ЕХФ Европскиот куп.

РК АЛКАЛОИД – РК ПРОЛЕТ 62 35-26 (14-10)

Сала: „Автокоманда“ во Скопје. Судии: Виктор Андонов и Стојанче Јовановски. Контролор: Лери Мирчевски
РК АЛКАЛОИД: Кизиќ, Галевски, Џонов 3, Маркоски, Младеновиќ, Серафимов 3, Карасманакис 1, Стојковиќ, М. Митев 1, Ѓоргиев 4, Велковски, Ивановски 5, Петковски 6, Д. Митев 11, Савревски 1
Седмерци: 9/9 Исклучувања: 8 мин.

РК ПРОЛЕТ 62: Даскалоски, Петковски, Фичорски 2, Јовевски 1, Глигоров 1, Василевски, Додевски 1, Шилегов 2, Андоновски 3, Мајнов 3, Дрпљанин 1, Стојановски 5, Стоилевски 3, Атанасовски 1, Палевски 3, Спасовски
Седмерци: 4/5 Исклучувања: 8 мин. 

РК Алкалоид ја запиша својата 18 првенствена победа, извојувана на дуелот со екипата на РК Пролет 62 од Скопје, на домашен терен со убедлива разлика од девет гола (35-26) и се врати на првото место на суперлигашката табела во пресрет на натпреврите од 20 коло.

РК Алкалоид со комбиниран состав го одигра овој натпревар, со шанса за поголема минутажа за ракометарите кои вообичаено не минуваат толку минути во игра.

Избраниот тим ја исполни очекуваната цел, славеше убедлива победа во која се индивидуално се истакна Дамјан Митев со 11 постигнати погодоци, следен од Александар Петковски со шест и Мартин Ивановски со пет постигнати погодоци.

Конечниот епилог е одраз на подобрата игра во финишот на првото полувреме и комплетниот втор дел.
Гостинскиот состав резултатски парираше во првото полувреме во кое и имаа водство во одреден дел од натпреварот. Пред крајот на првиот дел, од резултат 10-10, РК Алкалоид со серија од 4-0 стигна до поосетно водство, а воедно и резултатски го „прекрши“ натпреварот.

Во второто полувреме, разликата постепено се зголемуваше. РК Алкалоид имаше стабилно водство од 5-7 гола во текот на целиот втор дел, а во финишот и ја поправи гол разликата.

Пред паузата во првенството поради настапите на репрезентацијата, РК Алкалоид ќе одигра уште еден натпревар, на гости кај екипата на МРК Куманово, а потоа следува последното коло од оваа фаза на Суперлигата, домашниот дуел со ГРК Охрид и натпреварите од 1/4 финалето на ЕХФ Европскиот куп против романскиот тим Минаур Баја Маре.