ГРК ТИКВЕШ – РК АЛКАЛОИД 25-31 (13-19)
Сала: „Јасмин“ во Кавадарци. Судии: Ненад Николовски и Исмаил Металари. Делегат: Драган НачевскиГРК ТИКВЕШ: Арсиќ, Велков, Анастасовски 3, Петрески, Мијатовиќ 3, Темелкоски, Соколов, Кофилоски 2, Димовски, Лазов, Манасков 2, Коцев 2, Летиќ, Кривокапиќ 3, Даневски, Обина 7
Седмерци: 7/8 Исклучувања: 6 мин.

РК АЛКАЛОИД: Кизиќ, Галевски, Џонов 2, Маркоски, Костески 3, Младеновиќ, Серафимов 5, Карасманакис 1, Стојковиќ 2, Митев 6, Ѓоргиев 2, Велковски 4, Симоноски 1, Бинго 1, Силва 1, Петковски 3
Седмерци: 4/6 Исклучувања: 8 мин.

Петтата победа од пет одиграни натпревари во Суперлигата ја запиша екипата на РК Алкалоид на гостински терен во Кавадарци против екипата на ГРК Тиквеш. Кавадарчани традиционално се непријатен противник на РК Алкалоид, особено кога играат на домашен терен. Денешната средба немаше големи резултатски возбудувања, но не изостана борбениот натпревар на моменти со агресивни дуели.

РК Алкалоид беше подобриот противник во првото полувреме уште од почетната минута. Поведоа со 3-1 избрниците на Кирил Лазаров и од тој момент постојано имаа гол или два предност во однос на борбениот домаќин.
Како што минувaше времето до поголем израз доаѓаше и физичката подготвеност и воиграноста на РК Алкалоид. Во последните десет минути доминацијата беше појасно изразена и предноста порасна на максимални шест погодоци (19-13).

Почетокот на вториот дел не беше по волја на РК Алкалоид затоа што ефикасноста беше видно намалена.
Домашниот состав успеа во почетните осум минути да намали три гола од негативата (16-19), блгодарение на неколку промашувања на нашиот состав, меѓудругото и на два седмерци во овој период.

Но, не траеше долго таа серија. Одбраната почна да функционира и му олесни на напаѓачкиот дел од тимот, па во 45 минута дојде и новата најголема предност од седум гола (24-17).
Мал пад во концентацијата на РК Алкалоид ги врати до одреден степен во игра домашните кои со серија од 4-0 намалија на 21-25, а малку подоцн5.а имаа напад и за да намалат на минус два. Брзо мина тој период на непријатност, РК Алкалоид брзо ја врати контролата и се врати на безбедни и солидни плус пет гола, за конечно натпреварот да го заврши со победа од 31-25.

Наменски дизајнираните маички со лајтмотив – индивидуалната енергија како експресија низ теоријата на бои – симболизираше пропусница за пикникот, преку која семејството алкалоидовци и пријателите до денес донираа околу 2 милиони денари.„Алкалоид“ АД Скопје ја продолжи хуманата мисија на 10-тиот по ред донаторски хепенинг по неколкугодишна пауза која се должеше на пандемиските ограничувања. Хуманитарниот пикник беше спроведен под закрила на Фондацијата „Трајче Мукаетов“ во присуство на вработените, членовите на нивните семејства и/или нивни пријатели.
Ракометарите на РК Алкалоид беа дел од овој настан и го збогатија хуманитарниот пикник со своето присуство.

„Денес заокруживме значаен, 10-ти јубилеј на колективна солидарност на собирот кој прерасна во празник на хуманоста за сите алкалоидовци. Околу три илјади наши колеги и пријатели донираа средства преку Фондацијата ’Трајче Мукаетов’, кои ќе бидат наменети за СОС Детско село. Со оваа организација отпочнавме стратешка соработка во 2022 година со цел да ги олесниме тековните трошоци за децата под нивна закрила, едукативна поддршка, пристап до професионално советување и слично зашто секое дете заслужува посреќно и побезгрижно детство.“

Директорката за обезбедување фондови и комуникации на СОС Детско село, Силвија Брајовиќ, истакна : „Со ’Алкалоид’ веќе три години нè поврзува едно прекрасно партнерство, кое не само што ја покажува нивната посветеност како компанија туку и искрената грижа за најранливите во нашата заедница – децата без родителска грижа. Донацијата претставува продолжување на трета година кумство и поддршка на едно згрижувачко семејство за тековни животни трошоци и развојни потреби на децата, кои добиваат не само материјална помош, туку и љубов, сигурност и припадност“

Соработката на „Алкалоид“ со македонската гранка на организацијата „СОС Детско село“ отпочна во 2022 година кога една од куќите на локалитетот во населба Ченто беше именувана во „Бекутан куќа“, за која компанијата ги покри трошоците за секојдневното функционирање. Во 2023 година, по повод 45-годишниот јубилеј на брендот „Бекутан“, се издвојуваше одреден процент од продажбите на оваа детска колекција и беа собрани над 2 милиони денари донирани на оваа организација. „СОС Детско село“ во моментов се грижи за близу 500 деца и младинци во земјава кои се без родителска грижа или се во ризик да ги изгубат своите родители. Организацијата функционира на принципот на донации од индивидуалци, компании, институции и разни форми на партнерства. Секој може да донира, а донираните средства се користат исклучиво за потребите на згрижените деца.

Линк за донации: https://sos.org.mk/doniraj-33/

РК МУЛТИ ЕСЕНС – РК АЕРОДРОМ  49-25 (19-12)
Сала: „Автокоманда“ во Скопје. Судии: Дамјан Савиќ и Марко Огњановски. Делегат: Мотко Ѓоргиевски
РМ МУЛТИ ЕСЕНС: Г. Трајковски, Поповски 8, Ѓокески 4, Ангелевски 2, Насевски 4, Илиевски 1, Пецановски 3, Крстевски 2, Николовски 2, Стојков 12, Гурмешевиќ 3, Ј. Трајковски 4, Тевдовски 1, Петрески 2, Стојчевски 1
Седмерци: 4/4 Исклучувања: 8 мин. 
РК АЕРОДРОМ: Илиевски, Наков 1, Гулевски, Ниновски 5, Ќурчиев 4, Петроевски, КОстадиновски 1, Зафировски 3, Тодоровски, Илиевски, Симоновски 1, Панчевски 3, Ѓуриќ, Миленковски, Босилковски 3, Ристовски 4
Седмерци: 6/8 Исклучувања: 10 мин. 

Екипата на РК Мулти Есенс ја запиша својата втора победа сезонава, извојувана над екипата на РК Аеродром, убедливо со 24 гола разлика (49-25). 
Наспроти конечниот резултат, во првиот дел се играше изедначено долго време, до резултат 11-10. Потоа полека почна да доаѓа до израз подобрата подготвеност, а и квалитет на РК Мулти Есенс. Со серија од 8-2 до крајот на полувремето нашиот тим се одвои на 19-12 на полувреме. 

Вториот дел беше сосема поинаква приказна. Резултатската неизвеснот компетно ја снема, а РК Мулти Есен доминираше. Сериите станаа подолги, резултатот постојано растеше овој дел од мечот РК Мулти Есенс го доби со 17 гола разлика. Конечни 49-25 и останува на првото место на табелата екипата на РК Мулти Есенс во исчекување да се комплетираат сите резултати од второто коло. 
Во следното коло, РК Мулти Есенс ќе игра дерби натпревар на гостински терен во Битола против екипата на РК Еурофарм Пелистер 2. 

​РК ЈЕХОНА – РК МУЛТИ ЕСЕНС 22-36 (12-14)
Сала: „Младост“ во Гостивар. Судии: Сашо Јанкуловски и Мартин Јовановски. Делегат: Гордана Ѓорѓеска
РК ЈЕХОНА: Кизиќ 1, Давидоски 5, Костовски 2, Фичуроски 2, Јованоски, Тасески 4, Селмани 1, Стрезоски 1, Рушити, Салиу 1, Димитриески 1, Шазивари, Ѓорѓески, Е. Селмани, Махајлоски 4, Николоски
Седмерци: 2/2 Исклучувања: 8 мин.
РК МУЛТИ ЕСЕНС: Трајковски, Крстевски 5, Поповски 3, Ѓокески 2, Ангелевски, Насевски, Илиевски, Пецановски, Каракалашев 3, Николовски, Трајчев 1, Стојков 10, Гурмешевиќ 8, Трајковски, Тевдовски, Петрески 1
Седмерци: 2/5 Исклучувања: 16 мин.

РК Мулти Есенс со комплетно реновиран и подмладен тим во кој оваа сезона главниот збор ќе го имаат ракометарите кои настапуваат во кадетска и јуниорска конкуренција, со победа ја почна новата сезона.
РК Мулти Есенс во првото коло гостуваше кај екипата на Јехона во Гостивар и победи со убедлива разлика од 14 гола (36-22).
Нашиот млад тим демонстрираше игра со брза транзиција во која набрзина во првиот дел поведе со осум гола разлика (12-4). Но, домашниот состав успеа да се врати во игра по лошиот старт и во следниот период намали на 10-12 и се „закани“ со комплетен пресврт.
РК Мулти Есенс не дозволи поголемо резултатско приближување. Следеше нов бран и контрола одново беше воспоставена, а водството порасна на 18-12, а прв пат двоцифрена разлика беше при резултат 26-16.
На крајот, разликата беше убедлива, конечниот резултат 36-22 и нашиот тим ги запиша првите бодови.
Во следното коло, РК Мулти Есенс на домашен терен го пречекува тимот на РК Аеродром.

РК БУТЕЛ СКОПЈЕ – РК АЛКАЛОИД 27-34 (13-19)
Сала: „Антон Димитров“ во Скопје. Судии: Сашо Кркачев и Ѓоко Колевски. Делегат: Драган Начевски
РК БУТЕЛ СКОПЈЕ: Стојаноски, Блажевски, Субашевски, Тодески 4, Ѓеоргиевски 5, Николов 6, Новаковски, Спасовски, Т. Узунчев, Д. Узунчев 5, Милошески, Киселовски 2, Каевски, Михајловиќ 2, Шопиќ 3, Давитковски
Седмерци: 2/5 Исклучувања: 6 мин.
РК АЛКАЛОИД: Кизиќ, Галевски, Џонов 3, Маркоски, Костески 6, Младеновиќ 2, Серафимов 6, Карасманакис 1, Стојаковиќ 2, М. Митев, Ѓоргиев, Велковски 2, Симоноски 1, Бинго 7, Силва 3, Петковски
Седмерци: 4/4 Исклучувања: 4 мин.

РК Алкалоид влезе во победничка низа откако и на своето прво гостување сезонава славеше победа над секогаш незгодниот ривал РК Бутел Скопје. РК Алкалоид вечерва беше подобриот противник и без поголеми резултатски возбудувања стигна до двата бода.

РК Алкалоид ја контролираше играта во првото полувреме безмалку од почетокот на натпреварот. Домашните имаа предност само до резултат 3-3, а потоа Алкалоид полека ја подобруваше својата игра и одбрана, па по неколкуте израмнувања премина во покомотно водство (10-8). Разликата од два гола беше актуелна само неколку минути, Алкалоид поведе со 12-10, а потоа следеше серија од 5-1 и водство од 17-12, резултат што комплетно го смени текот на натпреварот.

Арно Бинго и Никола Костески во овој дел од натпреварот беа најефикасните ракометари.
Во второто полувреме, РК Алкалоид поведе и со седум гола разлика (20-13, 21-14 и 23-16). Потоа следеше мало опуштање што домашните го искористија за да намалат на 21-24 и да се заканат со поголема драма во финишот.
РК Алкалоид на 10 минути до крајот постигна два гола по ред и одново имаше безбедни плус пет (27-22), а на пет минути до крајот РК Алкалоид имаше плус осум и победата беше обезбедена.
Во следното коло, РК Алкалоид ќе игра на домашен терен со екипата на РК Прилеп.

РК АЛКАЛОИД – РК РАДОВИШ 33-23 (11-14)
Сала: „Автокоманда“ во Скопје. Судии: Силвана Карбеска и Марија Илиева. Делегат: Љупчо Јаневски
РК АЛКАЛОИД: Кизиќ, Трајкоски 1, Џонов 4, Петров, Младеновиќ 1, Серафимов 4, Карасманакис 1, Стојковиќ 4, Ѓоргиев 1, Симоноски 1, Бинго 4, Силва 4, Петковски 6, Савревски 1, Гарбески 1
Седмерци: 2/2 Исклучувања: 8 мин.
РК РАДОВИШ: Ристов, Петров, Ј. Ѓорѓиев, Постолов 6, Марковиќ, Јанковски 3, Соколов, Стојаноски 3, К. Ѓоргиев, Стојанов 2, Талевски 2, Трајанов, Ончев 5, Костадинов, Атанасов 2, Костадиновски
Седмерци: 2/2 Исклучувања: 10 мин.

Во второто првенствено коло, РК Алкалоид на домашен терен го пречека тимот на РК Радовиш. По победата над РК Вардар 1961 во дербито во првото коло, РК Алкалоид славеше победа и над РК Радовиш, убедливо со 10 гола разлика (33-23).
Тренерот Кирил Лазаров за овој натпревар се реши за комбиниран состав во кој поштедени беа Марко Митев, Дамјан Митев, Никола Костески, Мартин Велковски, Иван Галевски и Никола Маркоски.
Првото полувреме РК Алкалоид играше преопуштено особено во одбраната и тоа гостинскиот состав го казни и стигна и до комотна предност од шест гола разлика по 23 минути игра, односно три гола предност на полувреме.
Во вториот дел, нашиот тим ја консолидираше одбраната, почна да игра поконцентрирано и по само две минути до израмни резултатот, а во 40 минута влезе во серија од 7-0 со која стигна до солидно водство од шест гола разлика (26-20).

До крајот на натпреварот РК Алкалоид имаше комплетна контрола врз настаните на теренот и средбата ја доби со убедливи 10 гола разлика.
Крилото Александар Петковски со шест гола беше најефикасниот во нашиот тим, пред Мартин Серафимов, Арно Бинго, Марко Стојковиќ, Иван Џонов и Франциско е Силва кои постигнаа по четири погодоци.
Во следното коло, РК Алкалоид прв пат сезонава ќе игра како гостин, а противник ќе биде екипата на РК Бутел Скопје.