РК АЛКАЛОИД – ГРК ТИКВЕШ 30-22 (14-11)
Сала: „Автокоманда“ во Скопје. Судии: Исмаил Металари и Ненад Николовски. Контролор: Цане Куртовиќ
РК АЛКАЛОИД: Трајкоски, Галевски, Џонов 5, Маркоски 3, Младеновиќ 3, Серафимов 3, Стојчевиќ, Стојковиќ, М. Митев 3, Ѓоргиев, Велковски 3, Омерагиќ, Бинго 5, Петковски 1, Д. Митев 2, Савревски 1
Седмерци: 4/6 Исклучувања: 10 мин.
ГРК ТИКВЕШ: Гемаљевиќ 1, Анастасовски 2, Лазов 1, Мијатовиќ 2, Темелкоски 3, Стефановиќ , Соколов, Велков, Лазов, Манасков 1, Органџиев, Шулески, Коцев 1, Симиќ 4, Мајиќ 2, Обина 3
Седмерци: 2/3 Исклучувања: 8 мин.

РК Алкалоид остана единствен перфектен тим во Групата А во Суперлигата! Нашата екипа беше подобра од ГРК Тиквеш на дерби дуелот на двете досега непоразени екипи. РК Алкалоид играше на домашен терен, а епилогот е (30-22) за седма победа во седмиот натпревар.
РК Алкалоид имаше подобар старт поведе со 5-1 и потоа до крајот на првиот дел кој заврши со водство на Алкалоид од 14-11 ја одржуваше.

Во второто полувреме, РК Алкалоид уште еднаш го засили ритамот, поведе со повеќе пет и повеќе голови разлика и без проблеми го приведе мечот до крајот.
Најдобри стрелци во РК Алкалоид беа Иван Џонов и Арно Бинго со по пет гола, а Митев, Серафимов, Младеновиќ, Маркоски и Велковски стрелаа по три пати. Благојче Трајковски имаше вкупно 13 одбрани.

Следен натпревар за РК Алкалоид е првиот европски предизвик против РК Војводина во Европската лига на ЕХФ (17.10.2023, 20:45 часот).

РК МУЛТИ ЕСЕНС – РК ВАРДАР 1961 24-33 (9-16)
Сала: „Автокоманда“ во Скопје. Судии: Методија Илиевски и Михајло Илиевски. Контролор: Драган Начевски
РК МУЛТИ ЕСЕНС: Ерманоски, Димевски 4, Костовски 2, Илиески 2, Д. Узунчев, Петрески, Трајчев, Омерагиќ 4, Трајковски, Василевски, Тодески, Т. Узунчев 2, Димовски 1, Трајковски, Јорданов 2, Карасманакис 7
Седмерци: 1/1 Исклучувања: 6 мин.
РК ВАРДАР 1961: Томовски, Гогов, Јагуриновски 5, Аларов, Георгиевски 5, Карапалески, Јашухира 1, Ансер, Лазаревски 1, Срдановиќ 5, Николиќ 8, Ѓукиќ 5, Атанасовски 2, Стојановски 1, Ќосевски, Мело
Седмерци: 2/2 Исклучувања: 2 мин.

РК Мулти Есенс во натпревар со заменети домаќинства се сретна со фаворитот Вардар 1961 на меч што се играше во „Автокоманда“.
Бодовите заминаа на салдото на гостинскиот состав кој имаше подобро отворање во кое дојде до значителна резултатска предност.
РК Мулти Есенс со серија од 4-0 ја редуцираше разлика на минус шест на полувреме (9-15), а во вториот дел одново гостите имаа комотна позитива која на крајот резултираше со победа од 33-24.
Во следното коло, РК Мулти Есенс одново игра меч на кој може да освои бодови, а противник е екипата на Вардар Неготино.

МРК КУМАНОВО – РК АЛКАЛОИД 21-34 (9-19)
Сала: ДСУ “Перо Наков“ во Куманово. Судии: Иво Георгиевски и Игор Наумовски. Контролор: Лери Мирчески
МРК КУМАНОВО: Димитријевски, Кимевски, Димитров 2, Стојановски 1, Ѓурковиќ 3, Даневски 1, Цветвкоски, Бошковски, Тасевски 1, Миладиновски, Илиевски 1, Богдановски, Симоноски 3, Уча 9, Михајловски
Седмерци: 2/3 Исклучувања: 6 мин.
РК АЛКАЛОИД: Трајкоски, Галевски, Џонов 3, Младеновиќ 9, Серафимов 6, Стојчевиќ 2, Стојковиќ 1, М. Митев 3, Ѓоргиев 1, Омерагиќ 1, Бинго, Кофилоски 2, Петковски 3, Д. Митев 2, Савревски 1
Седмерци: 3/5 Исклучувања: 14 мин.

РК Алкалоид ја запиша и шестата победа по ред во македонската Суперлига. Вечерва како гостин во Куманово, нашиот тим славеше победа од 34-21 и го задржа првото место на табелата, во пресрет на дуелот со исто така досега непоразениот тим на ГРК Тиквеш, меч што ќе се игра во четврток.
Вечерва во Куманово, нашиот тим отвори многу добро, импресивно и поведе со 8-1 со што уште по десетина минути игра победникот практично беше решен.
Предноста од 7-8 голови, РК Алкалоид ја одржуваше рутински, а на полувреме замина со двоцифрена предност (19-9).

Во вториот дел се играше поизрамнето резултатски, но разликата секогаш беше двоцифрена. Михајло Младеновиќ со девет гола беше најефикасниот играч на РК Алкалоид вечерва, следен од Серафимов кој постигна шест погодоци.
Следниот меч на РК Алкалоид е дуелот со ГРК Тиквеш што ќе се игра во четврток, а потоа следи мечот од EHF Eвропската лига против екипата на РК Војводина.

Започнува продажбата на билети за натпреварот РК Алкалоид – РК Војводина, кој ќе се игра во рамките на првото коло од Европската лига на EHF на 17.10.2023 (вторник) со почеток од 20:45 ч.

Продажбата на билети за натпреварот меѓу РК Алкалоид и РК Војводина ќе биде преку продажната мрежа на MKTickets https://mktickets.mk/event/alkaloid-vojvodina/

Цената на влезните билети за дуелот кој ќе се игра во СЦ „Јане Сандански“ во Скопје изнесува 150 и 100 денари. Блоковите 1, 2, 9 и 10 се по цена од 100 денари, додека, пак, билетите за блоковите 3, 4, 7, 8, 11, 12, 15 и 16 чинат 150 денари.

Почна одбројувањето до почетокот на групната фаза на EHF Европската лига во која претставник на Македонија е нашиот РК Алкалоид. EHF Европската лига веќе е на хоризонтот. Помалку од 10 дена нѐ делат од историскиот прв меч на РК Алкалоид на меѓународната сцена.

Нашиот тим ќе се натпреварува во групата Ф во која се уште и шпанскиот тим Логроњо Ла Риоха, данскиот Бјерингбро Силкеборг и нашиот прв гостин и противник – повеќекратниот шампион на Србија и актуелен освојувач на ЕХФ Куп, екипата на РК Војводина.

Првата екипа што ќе гостува на европски меч на РК Алкалоид се црвено-белите од Нови Сад, екипата на РК Војводина, тоа е засилен тим во кој има и шест искусни странски засилувања меѓу кои, пак, најпознат е белорускиот ас Борис Пуховски.

Натпреварите од EHF Европската лига имаат фиксен термин и секогаш се играат во вторник.
Дуелот меѓу екипите на РК Алкалоид и РК Војводина е закажан за 17 октомври и ќе се игра со почеток од 20:45 часот во салата „Јане Сандански“ во Скопје, а ќе има и директен тв пренос од оваа средба.

Процесот на акредитирање на медиумите е отворен, а почната е и продажбата на билети за овој меч. Тие се по цена од 100 и 150 денари и можат да се набават на продажните места на РК АЛКАЛОИД – РК ВОЈВОДИНА – MKTickets : MKTickets

Предизвикот пред нас е голем, желбата да победиме уште поголема. Ве очекуваме во сала, бидете нашиот осми играч!