РК АЛКАЛОИД – РК СКОПЈЕ 2020 40:21 (23:11)
Сала: „Автокоманда“ во Скопје. Судии: Исмаил Металари и Ненад Николовски. Делегат: Владимир Саздовски
РК АЛКАЛОИД: Ромеро, Галевски, Џонов 3, Маркоски 3, Младеновиќ 5, Серафимов 5, Стојчевиќ, Стојковиќ, М. Митев 1, Ѓоргиев 1, Трајковски, Бинго 6, Кофилоски 5, Петковски 5, Д. Митев 1, Савревски 5
Седмерци: 5/6 Исклучувања: 10 мин.
РК СКОПЈЕ 2020: Стојкоски, Фидановски, Мишевски 3, Чакалиќ 1, Тркалевски, Шокоски 4, Огненовски, Митиќ 2, Ристовски, Пешкирски, Грујовски 3, Стојановски, Киселоски 6, Рангелов 1, Ферукоски, Стојановски
Седмерци: 5/7 Исклучувања: 6 мин.

РК Алкалоид со убедлива победа над екипата на РК Скопје 2020 ја отвори новата сезона во македонската Суперлига. Премиерниот натпревар се играше во салата „Автокоманда“, пред полни трибини, а РК Алкалоид прикажа игра со која публиката може да биде задоволна.

Подобрата одбрана уште на почетокот на натпреварот ни донесе резултатска сигурност (5-1, 6-3). Противникот во првите петнаесетина минути одржуваше релативно мала негатива од 2-3 гола, но како минуваше времето, така играта на РК Алкалоид стануваше се подоминантна, а резултатот почна да се зголемува.
РК Алкалоид по водството од 9-7 направи серија од 7:1 и поведе со 16-8, а на полувреме веќе имаше убедливо водство од 23-11.
Тренерот Кирил Лазаров шанса им даде на сите ракометари, а разликата се одржа меѓу 12 и 15 гола за конечно средбата да заврши со победа од 40-21.

За прв пат во клупската историја на официјален натпревар во нашиот тим настапија и интернационалци. Арно Бинго беше најдобриот стрелец со шест погодоци од игра, а во неколку наврати со атрактивни потези измами и овации од гледалиштето. Голманот Алехандро Ромеро бранеше во првиот дел и во неколку наврати одбрани тешки удари овозможувајќи на нападот лесна реализација.

Во следното коло, РК Алкалоид ќе игра дерби меч, на гостински терен кај ГРК Охрид.

Новата ракометна сезона во Македонија почнува викендов, а пред РК Алкалоид и РК Мулти Есенс се големи предизвици во кои влегуваат подготвено, со успешно одработени летни подготовки.

РК Алкалоид во својата втора суперлигашка сезона влегува со титулата вицепрвак на Македонија и за прв пат како претставник на Македонија во групната фаза на Европската лига на ЕХФ.
Ланските остварувања се мотив плус за понатамошен развој и раст на клубот и екипата. Одговорностите се поголеми, но поголема е и самодовербата дека со квалитетна работа и посветеност во сите сфери, клубот може да оди само во еден правец – напред.

Играчки освежен и подобро екипиран со доаѓањето на четири ракометари, РК Алкалоид во подготвителниот период го освои второто место на Меѓународниот турнир во Струга каде запиша и победи над грчкиот шампион АЕК и српската екипа Динамо Панчево.
Подготовките беа комплетирани го гостување на четири натпревари во Хрватска и Словенија каде што беше додадена глазура на формата и сега со нетрпение се очекува почетокот на шампионатот во македонската Суперлига и предизвикот во Европа.

РК Алкалоид во првиот дел од првенството ќе се натпреварува во групата „А“ во која се уште и екипите на ГРК Охрид, ГРК Тиквеш, МРК Куманово, РК Аеродром, РК Струга, РК Еурофарм Пелистер 2 и РК Скопје 2020.
Првенството го почнуваме со гостување кај екипата на РК Скопје 2020. Овој натпревар ќе се игра во салата „Автокоманда“ на 8 септември со почеток од 19:00 часот.

Екипата на РК Мулти Есенс сезонава ќе дебитира во најсилното македонско натпреварување – Суперлигата. Овој млад тим составен е од селектирани ракометари кои својата шанса да напредуваат и успешно да се трансферираат од младинските во сениорска конкуренција ќе имаат преку натпреварите со најдобрите екипи во Македонија.
Иван Марковски, познатиот поранешен репрезентативец и тренер во чие резиме се запишани и домашни и странски екипи ќе ја води екипата во новиот шампионат.
РК Мулти Есенс во подготвителниот период го освои второто место на меморијалниот турнир „Миле Нешкоски“ во Прилеп, победувајќи притоа екипи со подолг стаж во суперлигашката конкуренција.
РК Мулти Есенс во Суперлигата ќе се натпреварува во групата „Б“ во која се и екипите на РК Еурофарм Пелистер, РК Вардар 1961, РК Голден Арт, РК Бутел Скопје, РК Тинекс Пролет, РК Вардар Неготино и РК Прилеп.
Првенството РК Мулти Есенс го почнува на домашен терен, во „Автокоманда“ во сабота со почеток од 17:30, а прв противник ќе биде екипата на РК Голден Арт.

РК ДОБОВА – РК АЛКАЛОИД 24:33 (12:14)
Сала: „Добова“ во Добова, Словенија
РК ДОБОВА: Гродник, Герјович 1, Фабек, Благојевиќ, Ромж 2, Житковиќ, Масловак, Рамтах, Младкович 5, Пекенлак 1, Кожович, Тајник 1, Абрамовиќ 9, Вершовник 2, Јовановиќ 3
Седмерци: 2/2 Исклучувања: 6 мин.

РК АЛКАЛОИД: Ромеро, Трајковски 1, Галевски 1, Џонов, Маркоски 2, Стојков 1, Младеновиќ 2, Серафимов 9, Стојчевиќ, Стојковиќ 4, М. Митев 2, Ѓоргиев 2, Омерагиќ 1, Кофилоски 1, Петковски 1, Бинго 5, Савревски 1
Седмерци: 2/4 Исклучувања: 6 мин.

РК Алкалоид заврши со настапите на мини турнејата што ја имаше во Хрватска и Словенија, со победа над екипата на РК Добова од 33:24.
На последниот настап, ракометарите на РК Алкалоид одиграа резултатски рамноправно и тесно прво полувреме во кое го диктираа резултатот и водеа со 7:5, 10:9, а на полувреме беше 14:12.
Во второто полувреме, уште во раната фаза предноста беше удвоена (18:14), а потоа нашиот тим стигна и до највисоките плус шест (24:18). До крајот на средбата домашните не успеаја да го загрозат водството на нашиот тим, напротив, РК Алкалоид поведе и со седум гола разлика, за конечно мечот да заврши со триумф од девет гола 33:24.

Мартин Серафимов со девет гола, Арно Бинго со пет и Марко Стојковиќ со четири погодоци беа најефикасните ракометари во нашиот состав.
РК Алкалоид по ова се враќа во Македонија каде што ќе продолжи да се подготвува за настапите во Суперлигата и во EHF Европската лига.

РК ДУБОЧИЦА – РК МУЛТИ ЕСЕНС 30-21 (18-10)
Сала: РР Ричко во Прилеп. Судии: Митревски и Тодоровоски. Делегат: Цветкоски
РК ДУБОЧИЦА: Павловиќ, Миличевиќ 2, Радуловиќ 5, Петровиќ 1, Трајковиќ, Митровиќ, А. Митровиќ, Спасиќ 3, Атанасковиќ 1, Цветковиќ 1, Ристовиќ 8, М. Павловиќ, Ангелковиќ 6, Милошевиќ 1, Коциќ, Арџелан
Седмерци: 2/2 Исклучувања: 2 мин.

РК МУЛТИ ЕСЕНС: Василевски, Ерманоски, Димевски 2, Костовски 1, Илиески 6, Петковски 1, Петрески, Трајчев, Омерагиќ 1, Трајковски, Г/ Ѓоргиевски, Тодески 2, Узунчев 1, Ј. Трајковски, Јорданов 1, Димовски 2, Карасманакис 1
Седмерци: 6/7 Исклучувања: –

РК Мулти Есенс го освои второто место на осмиот меморијален турнир „Миле Нешкоски“ што се одржа во Прилеп.
Нашиот тим денеска во финалето на турнирот се сретна со екипата на РК Дубочица, а средбата на која немаше резултатска неизвесно заврши со резултат 30-21 за српската екипа.
Сѐ беше решено во раната фаза на мечот во која противничката екипа направи предност од 7-2, што нашиот млад тим во продолжението не успеа да го анулира и го освои второто место.

Нашиот ракометар, Божидар Илиески беше прогласен за најкорисен играч на турнирот.

МРК СЕСВЕТЕ – РК АЛКАЛОИД 28:29 (16:15)
СШ „Јелковец“ во Загреб
МРК СЕСВЕТЕ: Топиќ 2, Томиќ 1, Финек 1, Штрковиќ 3, Јеловчиќ 2, Чук 1, Турчиќ 2, Думенчиќ 3, Годец 4, Гавриќ 1, Хршак 8, Прпиќ, Шукер
РК АЛКАЛОИД: Ромеро, Трајковски, Галевски, Маркоски 1, Савревски 1, Ѓоргиев 1, М. Митев 2, Џонов 2, Стојковиќ 3, Серафимов 6, Стојков 3, Бинго 7, Младеновиќ 2, Омерагиќ, Стојчевиќ, Кофилоски, Петковски 1

РК Алкалоид го совлада тимот на Сесвете со резултат 29:28 на својот трет контролен натпревар одигран во Хрватска. Цврстиот домашен состав кој минатата сезона го освои третото место во првенството на Хрватска беше добар предизвик за нашиот тим, а тренерот Кирил Лазаров имаше можност да ги испроба ракометарите против мотивирана и квалитетна екипа која до последен момент се бореше да остане непоразена.
Нашиот тим, резултатски натпреварот го прекрши на 12 минути до крајот, кога прв пат поведе со три гола разлика (26:23). Потоа, успеа да се одбрани од обидите на домаќините да израмнат и запиша минимална победа.
Арно Бинго со седум погодоци беше најефикасен, Мартин Серафимов беше стрелец на шест погодоци.
Во вторник, РК Алкалоид ќе го одигра последниот меч, против РК Добова од Словенија, по што се враќа назад во Македонија.

РК Т. ПРОЛЕТ – РК МУЛТИ ЕСЕНС 25-30 (12-16)
Сала: Р. Р. Ричко во Прилеп. Судии: Седлоски и Ангелески. Делегат: Цветкоски
Т. ПРОЛЕТ: Иваноски 1, Николовски 2, Пецаковски, Василевски 7, Кочаров, Додевски, Андоновски 7, Петковски, Мајнов, Димовски 2, Стојановски 2, Михаљевиќ, Спасоски, Арсеновски 2, Тотиќ
Седмерци: / Исклучувања: 8 мин.

МУЛТИ ЕСЕНС: Ерманоски, Василевски, Димевски 4, Костовски 4, Илиески 2, Петковски, Омерагиќ 1, Ѓоргиевски, Тодески 1, Узунчев, Димовски 5, Јорданов 6, Карасманакис 5
Седмерци: 2/3 Исклучувања: 4 мин.

РК Мулти Есенс ќе игра во финалето на осмиот меморијален турнир „Миле Нешкоски“ што се одржува во Прилеп.
Нашиот тим денеска го совлада суперлигашот РК Тинекс Пролет со резултат 29-25 и со скор од две победи и еден нерешен меч го освои првото место во групата.
Денеска нашиот тим одигра одличен натпревар на кој имаше водство и контрола во текот на целата средба. Во првото полувреме по израмнетиот старт, со серија од 6:1 стигнавме до водство од 16-11, по што на полувреме се замина со резултат 16:12.
Во второто полувреме, успешно париравме и ја одржувавме разлката од два до четири гола, сѐ до конечните 29-25.
Олег Јорданов со шест гола беше најефикасен во нашиот тим, а по пет погодоци постигнаа Мартин Димовски и Валентин Карасманакис.
Утрешниот меч за прво место е закажан за 16:00 часот.