​РК АЛКАЛОИД – РК НЕКСЕ 29-27 (15-11)
Спортски центар во Стара Пазова.
РК АЛКАЛОИД: Галевски, Трајковски, Џонов 4, Маркоски 2, Младеновиќ 1, Серафимов, Карасманакис 1, Стојковиќ 3, М. Митев 4, Ѓоргиев 4, Велковски 2, Омерагиќ, Бинго 2, Кофилоски 2, Савревски 5, Димовски
Седмерци: 2/3 Исклучувања: 8 мин.
РК НЕКСЕ: Кузмановиќ, Цар 1, Радовановиќ, Рачиќ 2, Бакиќ 2, Хромин 4, Вејин 1, Сршен 4, Манци-Мичевиќ 3, Велкаврх, Безјак 2, Штрлек 2, Мославац 2, Цениќ 2, Кохен
Седмерци: 6/8 Исклучувања: 6 мин.

РК Алкалоид го одигра својот прв контролен натпревар во подготовките за настап во македонскиот суперлигашки Плејоф. Нашиот тим се наоѓа во спортскиот центар во Стара Пазова, а денеска го одигра и првиот контролен натпревар на кој противник ни беше вицепрвакот на Хрватска, екипата на РК Нексе.

РК Алкалоид запиша триумф (29-27) во натпревар во кој резултатски особено во второто полувреме го имаше дуелот под контрола.
Хрватскиот тим за нијанса подобро го отвори мечот и водеше во првата фаза од натпреварот, главно со гол до два разлика (4-2, 5-3). РК Алкалоид израмни на 5-5 и од тој момент се играше гол за гол се до резултат 10-10. По ова Дарио Кофилоски и Марко Митев отворија серија што со два гола ја заврши Иван Џонов, а РК Алкалоид поведе со 15-10.

Полувремето заврши 15-11, а во вториот дел нашиот тим долго време одржуваше водство и разлика што се движеа меѓу пет и шест гола (17-11, 19-13, 21-15).
Во еден период од второто полувреме екипата на РК Нексе успеа да направи серија од 3:0 и да се доближи на 21-23, но веднаш имаше одговор од наша страна. РК Алкалоид поведе со 26-22 и 28-24, па победата не беше доведена во опасност до крајот на натпреварот, во кој РК Нексе успеа да го ублажи поразот и да намали на минус два.

Давид Савревски со пет постигнати гола беше најефикасниот играч во нашите редови, а беше следен од Марко Митев и Игор Ѓоргиев кои постигнаа по четири погодоци.

Утре, екипите на РК Алкалоид и РК Нексе ќе одиграат уште еден пријателски натпревар.

​РК Алкалоид работи со полн интензитет за предизвиците што го очекуваат во македонскиот суперлигашки Плејоф. Откако го одработи воведниот дел во Скопје, екипата веќе четири дена се подготвува во спортскиот центар во Стара Пазова.

Тренерот Кирил Лазаров на располагање ги има сите играчи на кои ќе смета на почетокот на сезоната која ќе донесе големи предизвици и дуели со најдобрите македонски екипи во битката за највисоките позиции на суперлигашката табела.

„По зимската пауза, добредојдени ни се овие подготовки. Да бидеме заедно, да тренираме со оглед на тоа дека речиси еден месец не бевме заедно. Овде имаме одлични услови и одлична работна атмосфера и ќе ги искористиме максимално деновите за добро да се подготвиме за вториот дел од полусезоната и предизвиците што ни претстојат“, изјави тренерот Кирил Лазаров.
РК Алкалоид во среда и во четврток ќе одигра два контролни натпревари со вицепрвакот на Хрватска, екипата на Нексе од Нашице. Се договара и трет дуел што би се играл во сабота, по што екипата ќе се врати во Скопје и ќе продолжи да се подготвува во Македонија до почетокот на плејоф шампионатот.

Ракометарите на РК Алкалоид се вратија на клупските обврски и тимот ја почна финалната фаза од подготовките пред настапот во суперлигашкиот Плејоф.
Екипата се комплетираше откако на тренинзите се приклучија седумте ракометари кои настапуваа на Европското првенство во Германија и во полн состав со нова енергија тренираше во „Автокоманда“.

РК Алкалоид во последната фаза од подготовките ќе тренира и ќе игра контролни натпревари во познатата спортска база во Стара Пазова. Спортскиот центар е еден од најмодерните на овие простори и ги има сите потребни услови за подготовка.

За време на осумдневниот престој, РК Алкалоид ќе одигра најмалку три контролни натпревари. Во среда и четврток се закажани дуели со вицепрвакот на Хрватска, екипата на Нексе од Нашице. Во сабота, ќе одигра уште еден контролен меч, по што ќе ја заврши и таа етапа од подготвителниот период и екипата ќе се врати во Скопје.

​ГРК ТИКВЕШ – РК АЛКАЛОИД 23-25 (13-12)
Сала: „Јасмин“ во Кавадарци. Судии: Сашо Кркачев и Ѓоко Колевски. Контролор: Драган Начевски.
ГРК Тиквеш: Гемаљевиќ, Анастасовски 2, Лазов, Мијатовиќ, Темелкоски 1, Велков, Соколов, Стефановиќ, Лазов, Манасков 3, Окардов, Коцев 2, Симиќ 2, Ангелов, Мајиќ 1, Обина 12
Седмерци: 3/8 Исклучувања: 10 мин.
РК АЛКАЛОИД: Трајковски 1, Џонов 5, Маркоски 4, Младеновиќ, Стојчевиќ, Митев 2, Ѓоргиев 3, Николовски, Велковски, Омерагиќ 1, Бинго 3, Кофилоски, Савревски 2, Гарбески
Седмерци: 2/2 Исклучувања: 10 мин.

РК Алкалоид го заврши првиот дел од сезоната во првенството во Суперлигата на првото место на табелата и во вториот дел, во Плејоф шампионатот ќе пренесе максимални три бода.

Вечерва, на последниот меч пред да се распуштат екипите и да почнат репрезентативните обврски, РК Алкалоид играше на гостински терен кај екипата на ГРК Тиквеш. И запиша победа од 25-23 или 14 победа од 14 одиграни натпревари.

Тренерот на РК Алкалоид, Кирил Лазаров, на овој натпревар поради повреди не можеше да смета плус и на Мартин Серафимов и Марко Стојковиќ. Голманот Иван Галевски е со репрезентацијата на Трофеј Карпати, па неговото место го зазема кадетскиот голман Ѓорѓи Николовси, а на местото на повредениот Александар Петковски веќе трет меч игра исто така кадетски играч, Максим Гарбески.

Средбата беше напната, тензична, со силни фаули и резултатски во рамки на гол до два разлика од првиот до последниот момент.

РК Алкалоид диктираше резултат во текот на целото прво полувреме. Водеше со 5-4, 9-7, 10-9, но во финишот домашната екипа го презема водството, поведе со 11-10, а на полувреме имаше водство од 13-12.

Во второто полувреме, РК Алкалоид веднаш го презема водството (14-13), а потоа се играше гол за гол со тоа што во некои моменти водеа домашните (16-15), но главно водството од еден гол разлика беше на страната на РК Алкалоид, а домашниот тим постојано бркаше израмнување.

Слично како и во првиот дел во финишот успеа да направи пресврт, но во 60 минута, Омерагиќ го доведе РК Алкалоид во водство од 24-23.
ГРК Тиквеш имаше тајм аут пред последниот напад, но успеавме да се одбраниме, а потоа голманот Трајковски со гол на празна мрежа ја запечати судбината на кавадарчани.

Во рамките на посетата Генералниот директор/Претседател на УО Живко Мукаетов ни честиташе за напредокот и за остварените резултати годинава. Како клуб оваа сезона настапивме и освоивме бодови во Европската лига на ЕHF, а во македонската Суперлига остваривме максимален ефект. Екипите во младинските конкуренции, пак, забележаа одлични резултати и веќе се промовираат како носители на македонскиот ракомет, што е и една од стратешките цели на клубот.

Ние ракометарите и стручниот штаб изразивме голема благодарност до компанијата „Алкалоид“ и до г. Живко Мукаетов за неизмерната поддршка за клубот и најавивме дека овогодишните резултати се поттик и мотив за уште поголеми успеси во периодот што следува.

Имавме можност да ги посетиме и производствените капацитети и Центарот за контрола на квалитет во сегментот фармација.

РК ВАРДАР НЕГОТИНО – РК МУЛТИ ЕСЕНС 22-25 (10-14)
Сала: „Младост“ во Неготино. Судии: Димитар Митревски и Благојче Тодоровски. Конторлор. Васил Чавдаров.
РК ВАРДАР НЕГОТИНО: Мицев, Кузев, Кузманов 3, Кериќ 3, Орешков 4, Митевски 4, Ѓорѓев 2, Петров 1, Адамовиќ 5, Ицев, Михајловиќ, Пеовски, Јовановски, М. Јовановски, Миниќ
Седмерци: 1/3 Исклучувања: 10 мин.
РК МУЛТИ ЕСЕНС: Ерманоски, Димевски 1, Костовски, Илиески 1, Д. Узунчев 4, Петрески, Трајчев, Омерагиќ, Трајковски, Василевски, Тодески, Т. Узунчев, Димовски, 6 Трајковски, Јорданов 2, Карасманакис 5
Седмерци: 4/4 Исклучувања: 14 мин.

РК Мулти Есенс со победа над РК Вардар Неготино како гостин го заврши првиот дел од шампионатот во Суперлигата.
Нашиот млад тим, кој е и дебитант во најсилната лига во пролетниот дел ќе се натпреварува во Плејаут првенството, а таму ќе пренесе еден бод, заработен од есенскиот дел.
Вечерва во Неготино, нашиот тим го совлада ривалскиот Вардар и стигна до бројката од девет освоени бодови.
Првиот дел мина во знакот на нашиот тим. Поведе РК Мулти Есенс со 6-3 што беше првата поконкретна резултатска разлика што беше направена на овој натпревар.
Домашниот состав се обиде да ја анулира, но успешно се одбранивме и зголемивме на 10-5 и таа разлика од 4-5 гола ја задржавме до крајот на полувремето и покрај двете исклучувања на пикерот Карасманакис заработени во првите 20 минути од натпреварот. По 30 минути игра, РК Мулти Есенс водеше со 14-10.

РК Мулти Есенс успешно ги одбиваше нападите на домашниот состав на почетокот на вториот дел и не им дозволуваше да се размавнат и да влезат во ритам.
На 10 минути до крајот на мечот, РК Мулти Есенс ја имаше повторно разликата од полувремето (20-16), а Теодор Тодески поради три исклучувања го заврши мечот предвреме.
По ова имаа момент на инспирација домашните, успеаја да намалат на 18-20, но нашиот голман Виктор Василевски беше на висина на задачата во последните минути од средба и не им дозволи на домашните премногу да се долижат.
Во 56 минута, Илиески погоди за 24-18 и РК Мулти Есенс веќе ја имаше обезбедено победата. Конечниот резултат беше поставен по мирна игра во последните минути.