РК АЛКАЛОИД – РК ЕУРОФАРМ ПЕЛИСТЕР 2 37-25 (20-11)
Сала: „Автокоманда“ во Скопје. Судии: Силвана Карбеска и Марија Илиева. Делегат: Камер Металари
РК АЛКАЛОИД: Кизиќ (7 одб), Галевски 1 (3 одб), Џонов 4, Тордарсон 2, Маркоски 2, Серафимов 8, Карасманакис, Стојковиќ 1, Ѓоргиев 1, Ивановски 1, Костески 7, Петковски 4, Борзаш, Аларов, Иваноски 1, Ѓорговски 5
Седмерци: 6/6 Исклучувања: 6 мин.
РК ЕУРОФАРМ ПЕЛИСТЕР 2: М. Фехми, Марковски 6, Лозановски, Гичев, Даневски, Велески, Митревски 7, Јовановски, Шулески, Младенов, А. Фехми, Димитровски, Белистојаноски 2, Дрогришки, Мафдух 4, Баптис 6
Седмерци: 2/3 Исклучувања: 6 мин.

РК Алкалоид запиша нова суперлигашка победа и го задржа статусот на екипа без пораз во првенството. Вечерва во Автокоманда гостин беше екипата на РК Еурофарм Пелистер 2, тим што е кандидат за место во Плејоф разигрувањето.

РК Алкалоид имаше резултатска иницијатива од почетокот на натпреварот во кој во воведните десетина минути, откако од резултат 3-3 постигна три гола во серија за водство од 6-3, разликата се движеше меѓу два и три гола се до резултат 10-9 во 17 минута.
Потоа РК Алкалоид го засили ритамот, направи нова серија, овој пат од 5-0 во која Ненад Костески учествуваше со три гола и поведе со 15-9.
Доминацијата продолжи до крајот на полувремето, а на одмор се замина со резултат 20-11. Во оваа делница, Ненад Костески беше стрелец на седум, а Мартин Серафимов на пет погодоци.

По десет минути игра во второто полувреме и натаму беше девет гола разлика за РК Алкалоид (24-15), по што гостинскиот состав успеваше во следниот период да анулира два до три гола од таа разлика и во тие рамки, шест-седум гола предност за РК Алкалоид продолжи да се движи резултатот (28-21, 47 минута).
Во последните 10 минути од мечот се влезе со резултат 29-22, а потоа РК Алкалоид во следните пет минути стигна и до двоцифрена предност (33-23), а на крајот натпреварот заврши со убедлива победа од 12 гола разлика (37-25).

Следува еднонеделна пауза во шампионатот поради обврските на репрезентацијата, а потоа РК Алкалоид во 10 коло ќе игра на домашен терен против екипата на РК Струга.

РК АЛКАЛОИД – РК БУТЕЛ СКОПЈЕ 32-25 (18-13)
Сала: „Автокоманда“ во Скопје. Судии: Виктор Начевски и Даниело Божиновски. Делегат: Марјан Огњановски
РК АЛКАЛОИД: Галевски (11 одб), Кизиќ (5 одб), Џонов 1, Тордарсон 2, Маркоски, Серафимов 4, Карасманакис 3, Стоковиќ 7, Ѓоргиев 2, Велковски 2, Ивановски 1, Костески 5, Петковски 1, Боразш 3, Аларов, Ѓорговски 1
Седмерци: 3/3 Исклучувања: 14 мин.

РК БУТЕЛ СКОПЈЕ: Трајкоски (18 одб), Стојановски, Субашевски 2, Тодески, Ѓоргиевски 1, Николов 4, Новаковски, Спасовски, Т. Узунчев 4, Д. Узунчев 7, Киселовски, Каевски 1, Николоски, Михајловиќ 5, Казакаи 1, Гришкашвили
​Седмерци: 2/3 Исклучувања: 6 мин.

РК Алкалоид ја запиша петтата суперлигашка победа сезонава. На домашен терен во Автокоманда, РК Алкалоид го совлада тимот на РК Бутел Скопје (32-25) и му го нанесе вториот првенствен пораз.

Воведните шест минути од натпреварот беа клучните на натпреварот и ја одредија насоката во која настаните продолжија да се развиваат. РК Алкалоид во првите шест минути од натпреварот поведе со 5-0, во 10 минута беше 8-3 и резултатот постојано беше плус пет или плус шест гола за РК Алкалоид. Само еднаш во 25 минута гостите намалија на четири гола (13-17) пред крајот на полувремето.
Одговорот на сино-белите беше уште еден фуриозен старт, овој пат на второто полувреме. Постигнаа шест гола по ред во вкупната серија од 7-0 со која ја пробија и двоцифрената бариера и поведоа со 24-13.

Потоа беше воспоставен баланс, резултатот се движеше меѓу 10 и 11 гола разлика сѐ до финишот во кој гостинскиот состав успеа да го ублажи поразот.

МРК КУМАНОВО – РК АЛКАЛОИД 21-35 (10-17)
Сала: „Куманово“ во Куманово. Судии: Виктор Андонов и Александар Вукашиновски. Делегат: Ацо Николовски
МРК КУМАНОВО: Антевски, Трајковски (5 одб), Димевски 2, Димитров, Вујичевски 2, Цветковски, Цековски 5, Стојановски 1, Трифуновски, Крстаноски 1, Матачиќ 1, Иванов, Да Силва 1, Стојков 3, Михајловски
Седмерци: 3/6 Исклучувања: 4мин.
РК АЛКАЛОИД: Галевски (4 одб), Николовски (5 одб), Џонов 2, Тордарсон 5, Маркоски, Серафимов 8, Карасманакис, Стојковиќ 3, Ѓоргиев 3, Ивановски 2, Костески 5, Петковски, Борзаш 1, Аларов, Иваноски 1, Ѓорговски 5
Седмерци: 4/5 Исклучувања: 10 мин.

РК Алкалоид запиша уште една убедлива првенствена победа, во шестото коло, на гостински терен кај екипата на МРК Куманово.

РК Алкалоид важеше за фаворит на овој натпревар и ја оправда таа улога од почетокот на натпреварот во кој уште по десет минути имаше конкретно водство (6-2). Резултатскиот баланс беше постигнат откако РК Алкалоид поведе со шест гола разлика и до крајот на првиот дел водството се движеше меѓу пет и шест гола, а на полувреме резултатот беше 10-17.

РК Алкалоид беше доминантниот тим и во вториот дел во кој по десет минути игра поведе со двоцифрена разлика (25-15), а потоа одново дојде период на резултатски баланс при што разликата се движеше меѓу девет и десет голови.

Во последните десет минути од мечот РК Алкалоид почна нова серија и од 29-19, поведе со 33-19, а потоа и со 35-20 што беше и највисоката разлика на натпреварот.

РК АЛКАЛОИД – РК ПРИЛЕП 47-21 (23-10)
Сала: „Автокоманда“ во Скопје. Судии: Ѓорѓи Начевски и Славе Николов. Делегат: Зоран Кимовски
РК АЛКАЛОИД: Кизиќ, Николовски, Џонов 7, Маркоски, Серафимов 1, Карасманакис 1, Стојковиќ 4, Ѓоргиев 1, Симоноски 3, Ивановски 2, Костески 6, Борзаш 3, Трајкоски 4, Аларов 1, Иваноски 6, Ѓорговски
Седмерци: 1/2 Исклучувања: 6 мин.
РК ПРИЛЕП: Ивчески, Ангелески, Тренчевски 2, Рајатоски 3, Адамчески 3, Трајкоски, Антонио Крстески, Ангелески, Ангел Крстески 2, Илиески 1, Димитриоски 2, Шабановиќ 4, Христоски, Лековиќ 4, Столески 4, Соколоски, Лазоски
Седмерци: 1/1 Исклучувања: 6 мин.

РК Алкалоид ја запиша својата трета првенствена победа, најубедливата досега во првенството, изразена со 26 гола разлика. Екипата на РК Прилеп беше противникот во Авткокоманда, а резултатски израмнет натпреварот беше помалку од 10 минути. По 2-3 во осмата минута, Алкалоид направи серија од 6-0 и поведе со 8-13 во 13 минута, а потоа до крајот на полувремето разликата порасна на 13 гола разлика (23-10).

Резултатски слично беше и второто полувреме во кое екипата на РК Алкалоид доминираше и стигна до убедливата победа.
За одбележување од оваа средба е настапот на тројца ракометари кои досега не беа во ростерот. Михаил Иваноски, Давид Трајкоски и голманот Ѓорѓи Николовски го запишаа својот прв официјален настап за РК Алкалоид во новата сезона. Иваноски постигна шест гола и беше најефикасниот играч на натпреварот, Давид Трајкоски постигна четири гола, а Николовски запиша пет одбрани.

Ракометарите и стручниот штаб на РК Алкалоид беа дел од пикникот за вработените на компанијата „Алкалоид“ кој традиционално имаше и хуманитарен карактер. Настанот се организира од 2011 година под закрила на Фондацијата „Трајче Мукаетов“, а се обезбедија 1,8 милиони денари кои преку Црвениот крст ќе бидат наменети за социјалните сервиси за стари лица.

Општествената одговорност е долгогодишен дел од традицијата на компанијата „Алкалоид“. Покрај во спортот, компанијата се залага и за подобрување, унапредување и за развој на заедницата во која дејствуваме

РК РАДОВИШ – РК АЛКАЛОИД 23-35 (13-18)
Сала: „25 Мај“ во Радовиш. Судии: Рубинчо Седлоски и Горан Ангелески. Делегат: Ѓорѓи Дучков
РК РАДОВИШ: Паунов, Димов 2, Петров, Постолов 8, Трајчевски 3, Ацев, Јанковски 2, Ристов, Табаков 2, Јовановски, Трајанов, Каковски 4, Ѓоргиев, Ончев, Атанасов, Костадинов 2
Седмерци: 1/2 Исклучувања: 4 мин.
РК АЛКАЛОИД: Кизиќ, Галевски, Џонов 2, Тордарсон 6, Маркоски, Серафимов 2, Карасманакис 1, Стојковиќ 5, Ѓоргиев 1, Велковски 3, Симоноски, Ивановски 2, Костески 3, Петковски 1, Борзаш 4, Ѓорговски 5
Седмерци: 5/6 Исклучувања: 2 мин.

РК Алкалоид го совлада тимот на РК Радовиш во четвртото коло од Суперлигата и ја верификуваше втората овосезонска победа.
РК Алкалоид подобро го отвори нaтпреварот. Со два воведни гола на Улфар Тордарсон и три последователни на Марко Стојковиќ, скопските сино-бели дојдоа до водство од 5-2, а потоа Мартин Серафимов зголеми на 6-2 пред да се воспостави мала резултатска рамнотежа.
Предноста на РК Алкалоид се зголеми до плус шест (9-3, 11-5), максималната разлика во првиот дел беше седум гола (9-16), а на полувреме резултатот беше 18-13 за екипата на РК Алкалоид.

Домашниот состав се обидуваше да остане што подолго рамноправен резултатски, но и во вториот дел РК Алкалоид ја контролираше играта и полека се одлепуваше, па така во 47 минута за прв пат на натпреварот беше плус 10 (19-29).
Во последните минути од натпреварот главно се играше околу границата од 10 гола, а средбата заврши со конечни 35-23.
Најдобар стрелец во редовите на РК Алкалоид беше Тордарсон со шест погодоци, додека Марко Стојковиќ и Емилијан Ѓорговски постигнаа по пет гола.
Во следното коло, РК Алкалоид на домашен терен ќе го пречека тимот на РК Прилеп.