РК ДРАГУНАС КЛАИПЕДА – РК АЛКАЛОИД 31-37 (17-21)
Сала: „СБВ“ во Клаипеда, Литванија. Судии: Алис Ватсон и Лине Велин од Шведска. Делегати: Венцил Калев од Естонија
РК АЛКАЛОИД: Кизиќ (3 одб), Галевски 1 (9 одб+ 1сед), Петров, Маркоски, Младеновиќ 1, Серафимов 7, Карасманакис, Стојковиќ 3, Митев 6, Ѓоргиев 3, Велковски 1, Симоноски, Бинго 6, Силва 3, Петковски 6, Савревски
Седмерци: 4/7 Исклучувања: 8 мин

РК Алкалоид ја оствари целта и со втора победа над РК Драгунас Клаипеда (37-31) се пласира во третото коло од Европскиот Куп на ЕХФ! Во еден меч во кој се водеше од почетокот до самиот крај, нашата екипа дојде до втората победа во второто соочување со ривалот од Литванија и така обезбеди место во следната фаза.

Нашиот тим имаше добро отворање на натпреварот, разигран од Бинго, Митев и Стојковиќ успеа да поведе со 6-2 по седум минути игра, а потоа следеа нови два гола на Петковски во мрежата на ривалот за дотогаш највисоко водство од 8-2, по кое домашниот тим побара тајм-аут. Важен играч во оваа серија беше и голманот Иван Галевски, кој запиша четири одбрани. Потоа очекувано, се разгоре битката, мечот доби ритам сличен на тој во Автокоманда и се редеа убави моменти и голови. По 15 минути игра Алкалоид водеше 15-8, а во неколку наврати стигна и до плус девет гола. По неколку грешки на двете страни, на паузата беше 21-17 за Алкалоид.

Во второто полувреме домашниот голман влезе во ритам против нашиот тим и така Драгунас Клаипеда почна да ја топи негативата. По десет минути игра во второто полувреме, заради нашата криза во нападот, ривалот дојде на два гола негатива (25-27). Сепак, офанзивата проработи кога беше најпотребно, па РК Алкалоид даде три гола во низа за 25-30 и пак обезбеди релаксирачки плус. До финишот на натпреварот, нашите ракометари не дозволија игра на нерви и не му дадоа шанса на ривалот да изненади.

РК Алкалоид има одлична шанса за пласман во следната фаза на ЕХФ Купот. „Сините“ во Автокоманда славеа убедливо над Драгунас Клаипеда (42:31) во првиот дуел од 2. коло во натпреварувањето. Со високата победа тимот на Кирил Лазаров обезбеди добра залиха пред реваншот кој ќе се игра во Литванија. По натпреварот, се одржа прес-конференција по која впечатоците ги сумираа тренерите на двата тима, како и по еден играч од двата табора.

КИРИЛ ЛАЗАРОВ (тренер на РК Алкалоид): „Горд сум на мојот тим, имам голем респект за Клаипеда, затоа што кажав пред мечот дека се добар тим. Никој не очекуваше вака висока победа од 11 гола. И покрај високиот триумф нема да се опуштиме, јас се уште мислам дека мора да внимаваме. Ние бевме подготвени за нивниот брз стил на игра, одговоривме добро и победивме еден не многу популарен, но добар ривал. Реваншот ќе биде тежок, посебно ако имаме лош пристап. Ова беше меч со вистински европски ритам.“

МАРТИН СЕРАФИМОВ (играч на РК Алкалоид): „Клаипеда имаше добар натпревар, така што гол разликата од овој прв дуел не значи ништо на втората средба. Контрата им беше убиствена, беше доста тешко да се наттрчуваме со нив, но на кррајот успеавме да славиме. Не чека уште еден меч, единаесет гола не мора да значат ништо, мора да останеме фокусирани и на реваншот за да си го потврдиме местото во следната рунда“

ХУАН АНТОНИО МОРЕНО РОДРИГЕЗ (тренер на РК Драгунас Клаипеда): „Честитки за Алкалоид за победата. Игравме доста брзо и ние и Алкалоид, но потфррливме во реализацијата пред голманите на ривалот. Против екипи како Алкалоид мора да играш многу подобро. Ние многу грешевме во одредени ситуации и тоа противникот не ни го прости“

КАРОЛИС СТРОПУС (играч на РК Драгунас Клаипеда): „Зад нас имаме еден тежок меч. Можеби ни фалат вакви натпревари за да бидеме порамноправни во иднина. Одигравме брз меч, се наттрчувавме со Алкалоид, дававме брзи голови, но потоа не погодивме неколку акции и целата концепција се распадна. Во некои клучни моменти не дадовме гол, ако успеевме во тоа, можеби ќе беше поианку. Но, тоа е тоа, ние одиме понатаму, за нас ова беше добро искуство и го чекаме реваншот во Литванија“

РК Алкалоид ја почнува својата втора европска сезона. По ланскиот настап во ЕХФ Европската лига во која ја запиша својата историска прва победа, а и првиот освоен бод на гости, сезонава РК Алкалоид ќе се натпреварува во ЕХФ Европскиот Куп.

РК Алкалоид има амбиции да стигне колку што може подалеку во овие нокаут двобои, а почнува со дуел со литванскиот вицепрвак Клаипеда Драгунас. Тоа е клуб што годинава има шампионски амбиции, за таа цел ангажираше и тренер од Шпанија, а во ЕХФ Европски Куп исто така има амбиции да стигне што подалеку. Нашиот клуб одржа прес-конференција, на која пред медиумите говореа тренерот Кирил Лазаров и капитенот Игор Ѓорѓиев.

Кирил Лазаров: „Се наоѓаме пред еден нов предизвик во Европскиот куп. Конкретно, имаме еден ривал кој што можеби е неатрактивен за нас, но е доста опасен. Се работи за незгодна школа, тим кој оваа година е воден од шпански тренер и полека од материјалите се гледа напредокот на Клаипеда. Ако направиме споредба, мислам дека, да не претерам, тие се подобри за 35% и затоа сум доста внимателен во најавите, заедно со мојот тим и со моите играчи, затоа што системот на играње е дома-гости, не е групна фаза и треба да се биде доста претпазливи. Од она што го имаме како информација, се работи за тим кој дава многу голови, над 40 гола во поголемиот дел од натпреварите. Ривалот игра во силен ритам, без разлика на противникот. Ние сме цврсто на земја заедно со играчите, добро се подготвуваме и можам да ветам дека нема да го потцениме противникот. Очекувам квалитетен меч, убав ракомет за око. Испраќам покана до навивачите, да дојдат во салата Автокоманда и да бидат поддршка на овој млад и македонски тим“

Игор Ѓорѓиев: „По одличниот старт на сезоната каде имаме седум победи, ни следува натпревар во Европскиот Куп каде имаме за противник екипа од Литванија. Го анализиравме противникот во изминатиот период, ние како екипа имаме искуство во Европската лига од лани, но оваа година ќе играме Европски Куп каде системот е поразличен. Првиот меч ни е дома, играме пред нашата публика, а кога играме дома секогаш сакаме да сме најдобри. Како капитен тврдам дека екипата е спремна, ростерот ни остана ист од лани, збогатен со неколку играчи. Ја повикувам јавноста да ни даде поддршка и се надевам на победа“

РК Алкалоид пред првиот европски предизвик се наоѓа во добар натпреварувачки ритам. Во домашното првенство го освои Суперкуп пехарот, а во суперлигата има седум победи од седум одиграни натпревари, меѓу кои и победа на дерби меч со вицепрвакот Вардар 1961.

Инаку, Европскиот Куп на ЕХФ како натпреварување се игра по поинаков систем од Европската Лига. Во овој Куп, беа вкупно 74 екипи од кои 64 се пласираа во второто коло и тие ќе играат елиминациски двобои се додека не се добие новиот шампион. Актуелен победник е екипата на Валур која во ланското финале беше подобра од грчкиот Олимпијакос. Исланѓаните нема да го бранат пехарот, тие сезонава играат во ЕХФ Европската лига, а Олимпијакос и сезонава е во ова натпреварување.

РК АЛКАЛОИД – РК ПРИЛЕП 45:23 (23:13)
Сала: „Автокоманда“ во Скопје. Судии: Ненад Николовски и Исмаил Металари. Делегат: Душко Камишевски.
РК АЛКАЛОИД: Кизиќ 1, Галевски, Џонов 3, Маркоски, Костески 7, Младеновиќ 2, Серафимов 5, Карасманакис 1, Стојковиќ 2, Митев 4, Ѓоргиев 5, Симоноски 3, Бинго 4, Оливеира 5, Петковски 2, Савревски 1.
Седмерци: 5/6. Исклучувања: 6 мин.
РК ПРИЛЕП: Ангелески, Христоски, Тренчевски, Кастратовиќ 1, Јеремиќ 2, Рајатовски, Адамчески, Бикоски 2, Ивчески, Илиески 3, Органџиев 2, Бурчески, Шабановиќ 3, Имнадзе 3, Квастек 4, Трајкоски 3.
Седмерци: 5/5. Исклучувања: 8 мин.

Екипата на РК Алкалоид забележа нова суперлигашка победа. Нашиот тим во рамки на четвртото коло беше подобар од РК Прилеп кого го совлада со 44:23 (23:13) во меч кој се одигра во салата „Автокоманда“. Со оваа победа, четврта во четвртиот меч, нашиот тим скокна на лидерската позиција на табелата.

Очекувано, нашата екипа имаше контрола на играта цела средба и прокнижи нов суперлигашки триумф по оние над Вардар 1961, Радовиш и Бутел Скопје. Уште од почетокот на мечот РК Алкалоид имаше позитива, воден од Бинго со четири гола, нашиот тим обезбеди 12:5, а потоа со серија од пет гола, замина и на 17:6 во 20. минута. Прилеп имаше проблем со техничките грешки, но енигма за нив беше и нашиот голман Марко Кизиќ кој фати 13 топки во првото полувреме по кое резултатот гласеше 23:13.

Вториот дел беше само рутина и даде шанса тренерот Кирил Лазаров да ротира и да им даде шанса на сите ракометари. Сите играчи кои се најдоа на теренот се запишаа во листата на стрелците, освен дефанзивецот Никола Маркоски и голманот Иван Галевски. Најдобар стрелец во победата беше Никола Костески со седум гола, пред Мартин Серафимов, Игор Ѓорѓиев и Франциско Оливеира со по пет гола.

Следното суперлигашко коло за РК Алкалоид носи гостување кај ГРК Тиквеш

Мирза Џомба, иконата на хрватскиот ракомет го посети нашиот РК Алкалоид во Скопје и беше присутен на тренингот на првата екипа. Неговата присутност на тренингот беше инспиративна, а имаше и кратки средби и запознавање со нашите ракометари.

Мирза Џомба е освојувач на златен медал од Светско првенство и Олимписки игри со легендарната генерација на хрватската репрезентација. Своевремено беше соиграч со нашиот тренер Кирил Лазаров во хрватски РК Загреб и унгарски Веспрем.

По завршувањето на кариерата во спортот е активен во медиумскиот дел, па за време на престојот во Скопје, ќе сними и епизода од својата ТВ емисија „(Не)успјех првака“ во која специјален гостин ќе биде Кирил Лазаров.

РК ЕУРОФАРМ ПЕЛИСТЕР – РК АЛКАЛОИД 30-33 (14-19)
Сала: „26 Април“ во Гевгелија. Судии: Ѓорѓи Начевски и Славе Николов. Делегати: Драган Начевски и Камер Металари
РК ЕУРОФАРМ ПЕЛИСТЕР: Митревски, Ивиќ, Манасков 4, Цехте, Кузманоски 2, Тајник 1, Борзаш 1, Радивојевиќ 4, Кузмановски 5, Абутовиќ 2, Ѓорговски 2, Петар Атанасијевиќ, Пешевски 2, Цикатиќ, Хосни 4, Павле Атанасијевиќ 4
Седмерци: 5/6 Исклучувања: 8 мин. Црвен Картон: Филип Кузмановски

РК АЛКАЛОИД: Кизиќ (12 одб), Галевски (3), Џонов, Маркоски, Костески 8, Младеновиќ, Серафимов 5, Карасманакис 1, Стојковиќ 1, М. Митев 6, Ѓоргиев 3, Велковски 1, Симоноски 5, Бинго 3, Оливеира, Петковски
Седмерци: 4/6 Исклучувања: 12 мин

РК Алкалоид е победник на македонскиот Суперкуп. Вечерва во Гевгелија нашиот тим го совлада актуелниот првак РК Еурофарм Пелистер во директната битка за првиот пехар во новата сезона и се запиша на историската листа на победници на ова престижно натпреварување.

РК Алкалоид демонстрираше модерна колектирвна игра која особено доаѓаше во израз во првото полувреме. Противничкиот состав одржуваше ритам до резултат 7-7, а потоа од минута во минута се повеќе избраната стратегија на нашиот тим покажуваше резултат. РК Алкалоид поведе со 14-10, а до крајот на полувремето разликата ја подобри за еден гол и на полувреме беше 19-14.

Противничката екипа ја заостри својата одбрана во вториот дел и успеа набрзина да анулира два гола од негативата и од тој момент до крајот на мечот се играше борбено за секоја педа од теренот.
Секој гол, секоја голманска интервенција можеше да му даде насока на мечот, а во играта на нерви нашите играчи одлично се снајдоа и успеаја да ја одржат разликата до последниот момент.