Вести
Со вложување во најмладите итаме кон реализација на нашите цели
Особено задоволство ни претставува кога можеме да ги поддржиме нашите најмлади во нивните обиди да живеат и да растат здраво и да се занимаваат со спорт. Основната задача која произлегува од целите што ги поставивме е создавање на врвни услови за талентираните ракометари максимално да ги развијат своите потенцијали и да постигнат најдобри резултати во младинските категории, а потоа да го пренесат тоа и во сениорската конкуренција.
![](https://rkalkaloid.mk/wp-content/uploads/2022/12/site-1024x561.jpg)
Веруваме дека преку едукација и преку стручно усовршување е можно позначајно да се унапреди системот и да се очекуваат повисоки и врвни резултати од нашите спортисти во наредните години.
РК Алкалоид годинава создаде поголема база, која, во согласност со амбициите и со целите, ќе се проширува и ќе се модифицира. Оваа година во нашиот спортски колектив имаме две пионерски, две кадетски екипи и една младинска екипа, со што вкупно имаме пет младински екипи, во кои настапуваат 98 пријавени ракометари.
Овие играчи се натпреваруваат во три младински категории, а во моментов во младинската и кадетска категорија нашите екипи се на првите места.
РК МУЛТИ ЕСЕНС ПИОНЕРИ
![](https://rkalkaloid.mk/wp-content/uploads/2022/11/ME-Pioneri-1024x684.jpg)
РК МУЛТИ ЕСЕНС КАДЕТИ
![](https://rkalkaloid.mk/wp-content/uploads/2022/11/ME-Kadeti-1024x672.jpg)
РК АЛКАЛОИД ПИОНЕРИ
![](https://rkalkaloid.mk/wp-content/uploads/2022/05/ALK-pioneri-1024x684.jpg)
РК АЛКАЛОИД КАДЕТИ
![](https://rkalkaloid.mk/wp-content/uploads/2022/05/Alkaloid-kadeti-pravi-1024x681.jpg)