Вести

СЦ КЕЛАГ ФЕРЛАХ – РК АЛКАЛОИД 18-32 (6-12)
Спортска сала „Ферлах“ во Австрија. Судии: Борис Чипов и Зоран Клуз од Словачка. Делегат: Сигурд Томасен од Белгија
СЦ Келаг Ферлах: Фукс, Вузела 1, Кнап 1, Перкушиќ 7, Станиќ 1, Гисин 1, Л. Ебнер, Келих М. 2, Јесахер, Ебнер, Буџа 2, Лебан, Миличевиќ 3, Келих, Ношан, Конечни.
Седмерци: 0/0 Исклучувања: 6 мин.
РК Алкалоид: Кизиќ, Тордарсон 2, Сухолежник 5, Костески 7, Карасманакис, Марко Митев 1, Ѓорѓиев 2, Галевски, Велковски, Николов, Цехте 4, Петковски 2, Дамјан Митев 1, Борзаш 4, Аларов 3, Ѓорѓовски 1
Седмерци: 3/5 Исклучувања: 8 мин.

РК Алкалоид со убедлива победа од 32-18 на гостувањето кај СЦ Келаг Ферлах го потврди пласманот во следната рунда на ЕХФ Европскиот куп. Македонскиот тим го доби и реваншот во Австрија, па со вкупни 63-40 од двата натпревара продолжува во европското натпреварување.

РК Алкалоид уште од почетокот покажа дека е дојден по победа. По почетните минути, избраниците на Кирил Лазаров ја презедоа контролата и постепено ја зголемуваа предноста. Во 12. минута веќе водеа со 6-3, а до крајот на првото полувреме направија уште поголема разлика и на пауза заминаа со предност од 12-6.

Во вториот дел РК Алкалоид продолжи во ист ритам. Предноста растеше од минута во минута, а во 50. минута македонскиот тим веќе водеше со 25-15. Во завршницата разликата достигна и 14 гола, за убедлив триумф од 32-18.

Никола Костески беше најефикасен во победничкиот состав со седум гола. Матиц Сухолежник постигна пет, додека Нејц Цехте и Урош Борзаш завршија со по четири погодоци. Михаил Аларов и Емилијан Ѓорговски постигнаа по три гола, а Улфар Пал Монси Тордарсон, Игор Ѓорѓиев и Александар Петковски по два.

Кај домаќините, Тони Перкушиќ беше убедливо најдобар стрелец со седум гола, но тоа не беше доволно за Ферлах да му парира на македонскиот претставник.

По победата од 31-22 на првиот натпревар во Скопје, Алкалоид со уште поубедлив настап на гостински терен го заврши двомечот со вкупни 63-40 и обезбеди место во следната рунда на ЕХФ Европскиот куп.